Menu

El diputáu d'IX espera conocer les posibilidaes económiques, sociales, llaborales y medioambientales del proyectu

Ovidio Zapico, diputáu d'IX na Xunta Xeneral, esplicó qu'IX espera les conclusiones del estudiu previu de construcción d'un tren cremallera a Los Llagos que tendrá de realizar l'executivu autonómicu, tal como foi aprobáu nel Parlamentu autonómicu n'una enmienda d'IX a una iniciativa del PP que pidía la so execución. . Ovidio Zapico recordó que ye necesario que'l Gobiernu realice esi estudiu pa determinar les posibilidaes económiques, sociales, llaborales y medioambientales p’arbitrar un nuevu modelu d'accesu más sostenible a los Llagos que l'actual. “La carretera soporta un tráficu pesáu que repercute nel medioambiente y en la mesma estructura –agora n'obres con un millón de churos-, amás de crear “esos horribles atascos que son una imaxe bien negativa para la nuesa industria turístico”, alvirtió. IX ta “sollerte” para ver si'l tren ye la solución a los problemes d'accesu a los Llagos.

Ovidio Zapico, que pel branu xubió a los Llagos en tresporte públicu, echó en falta n'ese viaxe de Cangues d'Onís a Los Llagos n'autobús que los turistes nun reciben nin una murnia información d'a ónde vas y cómo te tienes que portar nun parque nacional. “El Plan de Tresporte a los Llagos tuvo perbién cuando se creó, pero agora quédase curtiu con esti númberu de visitantes”, alvirtió dempués de denunciar los repitíos atascos y buscar soluciones sostenibles. “Nós creemos que si dalgún día fai esi tren, ten de ser con participación pública y buscándo-y una salida a el trabayadores actuales”, puntualizó.