El diputáu d'IX tamién va preguntar al Gobiernu asturianu pol papel que xuega Liberbank nel texíu económico d'Asturies y l'axudicación d'un call center nuevu
El diputáu d'IX, Ovidio Zapico, que recibió al comité d'empresa de Madison, aseguró que'l casu d'estes 225 persones representa un casu de llibru, per un sitiu poles consecuencies de l'aplicación de la reforma llaboral aprobada pol PP y per otru de la perda del calter públicu de l'antigua Cajastur, güei una entidá financiera más. El diputáu amosó la esmolición d'IX pola situación de más de dos centenares de muyeres que trabayaben nesti call center que realizaba les llamaes de Liberbank y pidió al Conseyeru d'Emplegu que faiga una llabor d'intermediación cola antigua Cajastur pa solliviar la esmolición de los trabayadores y cola empresa pola falta d'información que caltién el comité d'empresa. Zapico tamién se comprometió a preguntar al Conseyu de Gobiernu qué piensa sobro'l papel que xuega Liberbank nel texíu económico d'Asturies y la nueva axudicación que fai cerrando un call center y abriendo otru en Xixón, precarizando les condiciones de los trabayadores.
Irene Muñiz, presidenta del comité de la empresa Madison, rellató la mala situación que viven los trabayadores y l'ayuda que soliciten a la Xunta Xeneral. Muñiz aseguró qu'el so primer problema ye la falta d'información cuidando que lo único que saben ye'l despidu colectivu de la totalidá de la plantiya de la empresa Madison ensin conocer qué planes tien Unísonu –la nueva empresa axudicataria del contratu-. Nun saben con qué persones va cuntar de la empresa Madison, con qué horarios, qué hores de contratu… “Nun nos ta diciendo nada”, esplicó.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies