Menu

Ramón Argüelles caltien la voluntá d'alcuerdu, magar esixe que les cuentes incluyan partíes de meyora de salariu social, servicios sociales, universidá, I+D+i, mediu ambiente y potenciación de la Llingua

Izquierda Xunida d'Asturies caltien la so voluntá inequívoca d'algamar un alcuerdu presupuestariu. El coordinador xeneral d’IX Asturies, Ramón Argüelles, reafitó, “nesti momentu críticu, porque yá queda pocu tiempu”, la intención de la formación de forfugar la negociación hasta l'últimu momentu y confió en que'l Gobiernu acepte los sos planteamientos, empobinaos a una fiscalidá progresiva y a un gastu netamente social. En materia impositivo, Argüelles amosóse partidariu de revertir el mínimu a les cifres previes al alcuerdu ente PSOE y PP, magar, esclarió, si'l Gobiernu considera que cunta con abondos recursos, la clave del entendimientu tendrá de centrase en materia social.

Nestos momentos, añedió Argüelles ye necesariu “camudar el impás nel que ta'l Gobiernu d'Asturies y garantizar polítiques que dean respuesta a les auténtiques necesidaes d'Asturies. Con esti fin, Izquierda Xunida propón un paquete inversor de 150 millones d'euros, unos 20 más de lo qu'hai anguaño sobro la mesa. La prioridaes a cubrir nesa cifra son la meyora y estensión del Salariu Social, llucha contra la probeza infantil y enerxético, según programes d'accesu y rehabilitación de vivienda pública. Que nun se quiera revisar l'impuestu de sucesiones ye, a xuiciu del coordinador xeneral d'IX un erru yá que, enfatizó, la carga fiscal ten de ser progresiva y cayer en quien más recursos.

Cola fin de garantizar la calidá de los servicios públicos, IX va reclamar reforzar la sanidá, en tola so estructura y específicamente n'Atención Primaria; l'ampliación de la rede de 0 a 3, de forma negociada con conceyos y sindicatos pa crear un modelu más accesible pa toos y, especialmente, pa les clases medies y trabayadores.

Pa Izquierda Xunida, los presupuestos tener d'apostar tamién pola meyora del contratu programa cola Universidá, dada la importantica de la formación como una pieza básica del desenvolvimientu presente y futuru d'Asturies.

Ente les materies prioritaries, Ramón Argüelles citó tamién la sostenibilidá, con un refuerzu de los mecanismos d'inspección y control de la contaminación, con más inspectores y d'estaciones de control.

Una vegada más, el máximu responsable d'IX, reivindicó l'asignatura pindia del asturianu. Nesti casu, Argüelles reclamó un plan d'impulsu y espardimientu de la llingua. “Hai programes yá, pos reforzalos. nun vamos entrar na cooficialidá, de la que sabéis que somos absolutamente partidarios: aparcar ya inclusive la esperanza que nos otorgaren, nesti casu, el nuevu secretariu de la FSA, diciendo qu'ellos diben apostar pola Llingua pos paez que lo van a aplazar. nun vamos ser batallosos nesti casu, pero sí esixentes en qu refuércese y poténciese la presencia de la Llingua Asturiana”.

Midíes p'amenorgar la interinidá del emplegu públicu, programes pa fortalecer la Investigación, el desenvolvimientu y l'innovación (I+D+i), la meyora de la radiotelevisión pública como un elementu cohesionador. Nel casu de RTPA, Argüelles pidió la renovación d'equipos y tamién un mayor pesu del asturianu.

Sía que non, alvirtió Argüelles, la posición final d'IX va ser tomada pola afiliación de la organización. “Son propuestes constructives, que se ven, nun son sermones. N'IX somos laicos y nun nos gusten los sermones nin la parafernalia. Nós, los nuesos cinco diputaos queremos que sían útiles pal tresformamientu asturianu, pero que sían útiles teniendo en cuenta les idees que llevamos y que, cola que ta cayendo, son idees más que razonables”