Izquierda Xunida sofita la manifiestación entamada contra les violencies machistes, convocada pola Plataforma Feminista d'Asturies, que se va desenvolver mañana sábadu, 25 de payares, frente al teatru Campoamor d'Uviéu, a partir de les 12:30 hores.
La secretaria d'Igualdá d'IX, Nidia Gómez fizo un llamamientu a la participación na movilización contra les violencies machistes que, enfatizó, sufrimos día ente día les muyeres. Anguaño sumémonos a la Campaña YoTambién pa visibilizar l'acosu que sufrimos les muyeres en tolos ámbitos de la vida que ye un acosu real, tien cargues y tien nomes".
FRENTE A LA VIOLENCIA PATRIARCAL: IGUALDÁ RADICAL
Les violencies machistes suponen una grave vulneración de los derechos humanos de les muyeres. Y precisen, pa so superveniencia y perpetuación, d'instituciones arcaiques y decadentes, d'una xusticia obsoleta y masculina, y de una sociedá cómpliz; y, sobremanera, d'unos mandatarios políticos conrotos y machistes. El Pactu d'Estáu contra les Violencies contra la Violencia de Xéneru ye un claru exemplu d'abandonu políticu escontra los derechos de les muyeres: arrexunta normatives previes y vixentes, ensin compromisos temporales, nin presupuestos desglosados, y ensin la reconocencia la totalidá de les formes de violencia contra les muyeres.
La violencia machista se erradica con polítiques de prevención, sensibilización y detección, que englobe la violencia contra les muyeres de forma integral, que partan del orixe estructural de la violencia y que sían capaces de detectar les distintes formes d'espresión de la violencia machista.
La violencia machista manifiéstase acaldía en:
-los cientos d'asesinatos de muyeres, que constitúi la espresión violenta más detectable
-les esclaves traficaes pala prostitución; neñes y muyeres arrendaes pal consumu sexual d'homes , consideraes inferiores, consideraes un productu d'usar y tirar
-les agresiones sexuales que van n'aumentu y que pasaron de ser actos criminales delictivos individuales a formes grupales nes nueses fiestes y otros acontecimientos masivos
-la demanda d'arriendu de los banduyos de muyeres, de les muyeres probes, reflexu d'una sociedá clasista, xenófoba y patriarcal; una nueva forma de mercadear colos nuesos cuerpos ensin nengún escupuliciu.
- la fienda salarial ente muyeres y homes en trabayos d'igual valor, d'un Estáu opresor, pa él siguimos siendo ciudadanes de segunda clase y llindar la nuesa autonomía económica pa caltenenos subordinaes
Precisamos polítiques tresversales, contundencia y decisión política p'aumentar los recursos económicos y humanos destinaos al desenvolvimientu de polítiques d'igualdá activa, integral y participativa.
Por too ello, faemos un llamamientu a participar de la manifestación que se va celebrar el próximu sábadu 25 de Payares a les 12.30h frente al Teatru Campoamor convocada pola Plataforma Feminista d’Asturies.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies