Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX considera prescindible l'usu de la Pereda como parte del sistema de xestión de borrafes

La formación llamenta qu'inda non se dirixieron a Mieres si se plantega l'usu d'instalaciones nesi conceyu

IX refuga la incineración na térmica de la Pereda como parte del sistema de xestión de resíduos d'Asturies y caltién el so apueste pola valorización química, al entender que supón una meyor alternativa dende la perspectiva medioambiental y, al tiempu, una oportunidá na xeneración de nuevos nichos y na investigación, desenvolvimientu ya innovación.

El responsable de l’área de mediu ambiente y representante d'IX en COGERSA, Ángel García Vega, reconoció que'l Gobiernu d'Asturies y el Conseyeru de la área, Fernando Lastra, dieren un xiru importante nos sos planteamientos sobro la xestión de borrafes. Sicasí, pa la formación inda ye necesariu que se dea un nuevu pasu y que se fale con claridá de qué se va a faer col combustible sólidu recuperáu (CSR). Nesti sentíu, García Vega reclamó a Lastra que se empezaran a estudiar les alternatives de valorización química y, sobremanera, prescindir de la Pereda pos, añedió, nun ye n'absolutu lóxica nin necesaria la so inclusión como parte d'un plan de xestión de borrafes que prescinde de la incineración.

Per otru llau, la secretaria de Política Municipal d'IX, Gabriela Álvarez, llamentó que'l Principáu tea plantegando l'usu d'instalaciones en Mieres ensin que se tuviera abiertu un alderique fondu colos responsables municipales pa esplicar qué pretende faer. "Refugamos la incineración na Pereda, pero si'l Principáu sopesa esta alternativa creemos que ye una obligación que s'informe con rigurosidá al Conceyu. Ye una cuestión de llealtá institucional".

Volver

Compartir

2014 Izquierda Xunida d'Asturies - Política de privacidad - Política de cookies