Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares emplaza a PP y Foru a recurrir la prórroga presupuestaria del Estáu y otres Comunidaes si la faen n'Asturies

PEl voceru d'IX diz que la derecha ve "la paya nel güeyu ayenu y non la viga n'el mesmu" en materia de delda

El voceru d'IX na Xunta Xeneral del Principáu, Gaspar Llamazares, emplazó güei al PP y a Foro a que recurran les prórrogues presupuestaries del Estáu y d’aquelles Comunidaes Autónomes nes que los sos Gobiernos incluyan na mesma la delda si ye que, finalmente, deciden dir contra la prórroga n'Asturies. Llamazares criticó con durez la posición de dambos partíos y, especialmente, al Partíu Popular al entender que los sos planteamientos son hipócrites. El PP ve “la paya nel güeyu ayenu y non la viga nel mesmu”, daqué que queda patente cuando nun ve problema dalgunu en que se prorrogara en tolos conceutos, incluyida la delda, el Presupuestu Xeneral del Estáu y, sicasí, n'Asturies convirtiérase nun arma refundiza contra'l Gobiernu.

“¿Qué ye lo que quier dicise nesta materia, que cuando un Gobiernu ta en minoría va asocede-y como al Gobiernu Trump o al Gobiernu Obama, qu'a la fin del añu va atopase énte la posibilidá de despidir a los sos funcionarios? ¿Esi ye'l planteamientu que fai la derecha?”, preguntóse'l diputáu.

Frente a eses posibilidaes, Gaspar Llamazares recordó qu'instituciones como'l Tribunal Constitucional reivindicaren la necesidá de faer compatibles situaciones de minoría de Gobiernos col funcionamientu del sistema alministrativu daqué que, al so xuiciu, ye indispensable, sacantes pretenda sese “irresponsable”,

En casu contrariu, añedió'l voceru d'IX, “l'únicu camín qu'habría ye que, cuando hubiera una minoría presupuestaria, darréu, hubiera elecciones. Nun creo qu'esi sía'l planteamientu del PP, pero creo que nesta materia actúen de forma hipócrita”.

Volver

Compartir

2014 Izquierda Xunida d'Asturies - Política de privacidad - Política de cookies