Menu

Ovidio Zapico sorraya que los conceyos tienen que ser el motor de la so constitución, col acompañamientu del Principáu

Ovidio Zapico, diputáu d'IX, realizó una valoración positiva de la xunta caltenida esta mañana per parte d'una representación d'IX col Conseyeru d'Infraestructures, Ordenación del Territoriu y Mediu Ambiente, el Viceconseyeru de Mediu Ambiente, Benigno Fernández Fano y Juan Adolfo Fernández Pereiro, Director Xeneral d'Ordenación del Territoriu y Urbanismu, al pie de la Secretaria d'Organización de la FSA, Gimena Llamedo pa desbloquiar la creación de la área metropolitana d'Asturies, oxetivu de la coalición. A xuiciu del diputáu l'alcuentru sirvió pa desbloquiar la situación, dempués de qu'IX incluyera l'asuntu nel alcuerdu de investidura y mientres 2016 y 2017 les xuntes fueren infructuoses. “Güei llogremos desbloquiar y reiniciar esti procesu”, aseguró Zapico, que realizó les declaraciones al términu del alcuentru en que per parte de la coalición tuvieron Gabriela Álvarez, Secretaria de Política Municipal, y Aurelio Martín, vocera d'IX nel Conceyu de Xixón.

Dientro de los alcuerdu alcanzaos a pidimientu d'IX atopase la secuenciación de les Directrices rexonales y, por otru llau secuenciar les Directrices Subregionales y constituyir antes de final de xineru un grupu de trabayu, con una fuerte presencia municipal que va ser la que defina esa área central. “Nun podemos faer nada de llombu a los conceyos, los conceyos tienen que ser el motor de la constitución de la área central y el Principáu lo que tien que faer ye acompañar a los conceyos nesa creación”, esplicó Zapico en declaraciones a los medios de comunicación al términu de la xunta.

El diputáu d'IX aportunó en que los conceyos tienen que ser el motor y quien exerzan el lideralgu na constitución.

Ovidio Zapico adelantró'l martes en Xixón que considera qu'esta área central tien de desenvolvese sobre trés conceutos fundamentales: la voluntariedá, la flexibilidá nel númberu de conceyos, y el lideralgu dende l'ámbitu municipal col acompañamientu del Principáu.