Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Zapico demanda planificación para consolidar los datos turísticos y meyores llaborales para'l sector

El diputáu d'IX pide'l cambéu del director del Reconquista para recomponer el clima y l'imaxe del buque insinia del turismu asturianu

Ovidio Zapico, diputáu d'IX na Xunta Xeneral, considera qu'anguaño 2018 ten de ser el tiempu del afitamientu del sector turísticu. El diputáu d'IX, que reconoz los bonos datos del sector que los sos númberos son oxetivamente demostrables, alvierte, sicasí, de la necesidá del Gobiernu de planiar con urxencia hasta qué porcentaxe del PIB quier Asturies que creza'l so turismu. “Nun podemos dexar una industria tan importante p’Asturies agora mesmu al albur de condicionantes xeopolíticos qu’escapen del nuesu control”, sostien el diputáu d'IX responsable nel grupu parlamentariu de los asuntos de la Conseyería d'Emplegu, Industria y Turismu. Ye bien importante que más allá de la crecedera, el 2018 sía l'añu del afitamientu del sector turísticu, sostién.

El diputáu añede un nuevu condicionante al llabor del Gobiernu pal próximu añu. Los bonos datos han treslladase más allá de los meyores ingresos palos empresarios turísticos y beneficiar a los trabayadores nes meyores de les condiciones salarial y llaboral “porque ye un sector onde hai muncha precariedá”, diz el diputáu d'IX. Al so xuiciu un turismu calidable tien de basar la so pilastra fundamental nun emplegu calidable y esa ye una cuestión que'l Gobiernu de Javier Fernández tendría de empezar a correxir en 2018.

No que fai a esta última cuestión, IX celebra la sentencia que da la razón a l'anterior presidenta del comité d'empresa del Hotel de La Reconquista, sofitando, una vegada más, a los trabayadores del hotel frente a una mala praxis de la dirección del hotel, que convirtió'l trabayu nun clima insoportable nes condiciones llaborales. El diputáu d'IX considera que Javier Fernández ta obligáu nesti casu a intervenir. “Creo que nun podemos tener al frente del buque insinia del turismu n'Asturies a un director que sufrió munchos reveses xudiciales, munches sentencies na so contra”, piensa. A lo último, el diputáu d'IX apuesta por recomponer tantu'l clima llaboral como la imaxe del hotel col cese del director. La incorporación d'un nuevu responsable puede reconducir estos vezos y la situación, conclúi'l diputáu d'IX.

Volver

Compartir

2014 Izquierda Xunida d'Asturies - Política de privacidad - Política de cookies