Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

30/01/2018

Argüelles propón un pactu d'Estáu pa evitar la desertización de les cuenques mineres

Ricardo Sixto va treslladar la revindicación asturiana de dexar la quema de carbón autóctono ente que la industria de xeneración eléctrica española utilice esti mineral pero importáu na so producción.

El Coordinador xeneral d'IX d'Asturies, Ramon Argüelles, propunxo esta mañana en La Pola L.lena Un pactu d'Estáu pa dar respuestes a los retos de les cuenques mineres. El guante foi recoyíu pol presidente de la Comisión d'Enerxía del Congresu de los Diputaos, Ricardo Sixto, quien se comprometió a treslladar les esmoliciones de los territorios mineros asturianos por que puedan conocese al pie de les conclusiones de la comisión d'espertos qu'estudia los escenarios de cara a la transición enerxética.

Argüelles reivindico una transición xusta, qu'evite la desertización de territorios énte la falta d'actividá económica que siguiría a un zarru de sópitu del sector. Pal coordinador, la transición ordenada ye posible ya indispensable, dotada con recursos abondos, ente ellos los más de 200 millones d'euros qu'Asturies tien reconocíos por sentencia xudicial de delda polos fondos mineros.

Ricardo Sixto visitaba esta mañana La Pola L.lena p'asistir a un actu sobro'l futuru del carbón nel que participaben, amás, el voceru Jorge Luis Bail y unu de los sos vocales, Segundu González. L'oxetivu yera pescanciar tola información al respective de cómo se vive na situación d'incertidume énte'l zarru anunciáu d'esplotaciones mineres a 31 d'avientu de 2018.

L'actu foi intensu, con intervenciones de los alcaldes de Mieres, Anibal Vazquez, Llangréu, Jesús Sánchez, Morcín, Mino Garcia, y de la mesma alcaldesa de L.lena, Xema Alvarez, lo mesmo que de responsables de Comisiones Obreres como Rubén García. Nel relatu munchos elementos comunes: esixencia de midíes qu'eviten la desertización nos territorios; el contrasentíu de condergar al zarru'l carbón autóctono a pesar de qu'el mix enerxéticu nacional va caltener un pesu considerable del carbón, pero que va ser importáu y en munches ocasiones de sangre, ensin el mínimu respetu a los derechos llaboral y social de los sos trabayadores; o la necesidá inexcusable de la defensa del sector énte la falta d'otres espectativas. Jesús Sánchez señalaba na so intervención na defensa del carbón que ye una cuestión de supervivencia.

Anibal Vazquez pela so parte reprochó a los distintos partíos políticos la so falta d'interés na busca d'un futuru razonable pal carbón. Un desinterés que quedaba patente, señalaba, nes ausencies. El rexidor criticaba d’esta forma que finalmente nin los representantes del Partíu Popular na Comisión d'enerxía, nin tampoco los del PSOE, allegaron a la cita.

Maximino García recordó como nestos últimos años los intentos de les centrales sindicales por buscar viabilidá al sector del carbón atopárense en demasiaes ocasiones cola incomprensión de los partíos políticos, inclusive cola traición, con promeses incumplíes en discursos vacíos.

El diputáu asturianu Segundu González reclamó una transición xusta y criticó midíes como l'anunciada por una compañía eléctrica de zarru de les sos centrales térmiques en, al so xuiciu, una midida amarutada de medíambientalismu, pero que respuende na realidá a meros intereses de negociu.

Xema Alvarez aseguro que'l zarru del carbón tien efectos letales pa los territorios nos que s'asitia. Nesti sentíu cito casos como'l de Degaña, onde a la fin de l'actividá minera espérase'l fin d'otros servicios indispensables si quier caltenese población nel territoriu, como pueden ser servicios médicos suficientes y tamién educativos.

Asina, ente les midíes a treslladar, Ricardo Sixto señaló qu’una d'elles va ser, ensin dulda, que mientres se siga quemando carbón n'España, pueda usase tamién el mineral autóctono. Eso sí, reconoció que nun ye daqué senciellu, yá que treslladalo a una normativa ye más complicao de lo que pueda paecer cuidando qu’esisten tamién regulaciones europees, que fueron precisamente les que determinaron, col sofitu de socialistes y populares n'ámbitos de la Unión, el zarru del sector.

Ricardo Sixto tamién aprovecho p'axuntase col secretariu de la Federación d'Industria de comisiones obreres, Damián Manzano, y con otros responsables de la central, que quixeron aprovechar el cantar pa tresllada-y les esmoliciones sindicales.

Tres de falalo too sobro'l futuru del carbón, Ricardo Sixto, segundu González, Jorge Luis Bail, y Ramón Argüelles, y los alcaldes y alcaldeses de L.lena, Morcín, Mieres y Riosa, Ana Díaz, visitaron les instalaciones d'Asturiana de Laminados (ASLA), empresa tresformadora del cinc.

Volver

Compartir

2014 Izquierda Xunida d'Asturies - Política de privacidad - Política de cookies