Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

07/02/2018

IX caltién l'apueste por algamar alcuerdos pa impulsar la oficialidá de la llingua

Concha Masa considera llamentable que'l PP convierta un elementu de riqueza cultural d'Asturies nun elementu d'enfrentamientu políticu

Izquierda Xunida nun arrenuncia a alcuerdos que dexen impulsar la oficialidá de la llingua. La diputada d'IX-IX y presidenta de la Comisión especial d'estudiu sobro'l réxime de protección y promoción del asturianu, Concha Masa, aseguró güei que van tratar de llegar a alcuerdos, de la que reprochó la posición frentista y al so xuiciu “llamentable" del Partíu Popular nesta cuestión, convirtiendo un elementu de la riqueza cultural d'Asturies nun elementu d'enfrentamientu políticu. “Paezme que-y tán dando un enfoque equivocáu”.

Al respective de la oportunidá d'impulsar nestos momentos el procesu pa llograr la oficialidá, Concha Masa recordó qu'esisten estudios recién, como l'empobináu pol profesor Francisco Llera, que vendríen responder pol respaldu social.

“Lo que nun podemos tolerar, de nenguna manera, dende IX y creo que naide d'Asturies ye que se trate a la llingua como un enemigu a combatir”, enfatizó Masa.

Volver

Compartir

2014 Izquierda Xunida d'Asturies - Política de privacidad - Política de cookies