Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles pide acabar cola demagoxa del PP sobro la oficialidá del asturianu

El coordinador d'IX asegura que, colos razonamientos de Mercedes Fernández, el presidente Gallegu sería equiparable a Puigdemont

 

El coordinador xeneral d’IX Asturies reprochó güei a la presidenta del PP asturianu, Mercedes Fernández, les sos crítiques apocalíptiques sobro la posibilidá de la oficialidá pal asturianu nuna posición, al so xuiciu, incongruente colo qu'el so mesmu partíu fai n'otres comunidaes onde sí defende, sicasí, otres llingües distintes al castellán. "Utilizar la demagoxa en política ye bien complicao y nun ye una bona idea. Yo podría dicir qu'en Galicia, onde se fala'l gallegu, con muncha honra pa los gallegos y les gallegues, ta gobernando'l PP, un señor que se llama Nuñez Feijóo. Si utilizo la demagoxa, diría que'l señor Núñez Feijóo ye un nacionalista y ye Puigdemont y seguro que, nesti casu, a la presidenta del PP d'Asturies eso nun-y gustaría".

Argüelles llamentó amás la interesada equiparación de la defensa de la oficialidá del asturianu cola izquierda. Frente a ello, el líder d'IX recordó a Fernández qu'esisten persones, munches d'elles con idees de derecha, que defenden la llingua porque, enfatizó, "saben que ye la nuesa cultura, de los nuesos antepasaos, que ye daqué a recuperar".

El máximu responsable d'IX foi tamién críticu col executivu de Javier Fernández pola so pasividá. "El gobiernu, que ye'l que tendría que tomar parte nestes coses, y tendría que tener una postura bien definida y bien claro, con una apueste sinceru pa col asturianu, tampoco lo fai y fai de la callada la so respuesta", señaló Argüelles quien contrapuso, sicasí, el xiru de la Federación Socialista Asturiana. Un cambéu que, esplicó, nun se percibe porque "nun ta nel Gobiernu".

Pa Ramón Argüelles, quien defende una posición moderada pero propositiva, ta pola oficialidá ensin imposiciones, pero de forma irrenunciable. L'oxetivu, dixo, "ye dar la oportunidá por que nun se pierda (la llingua) y que voluntariamente la xente apriéndalo".

Frente al frentismu y la catalanización que pretende'l PP nel alderique sobre'l futuru de la llingua, el coordinador xeneral d'IX amosóse convencíu de que la oficialidá va dar más fuerza Asturies: "va faenos más fuertes y vanos a faer llegar más llueñe, va faenos un pueblu más cultu y en condiciones de defender la nuesa identidá".

Sía que non, Ramón Argüelles aseguró que n'Asturies nun esiste un problema identitariu que contraponga l’asturianu colo español. "Nun tenemos nengún problema cola españolidá nin col castellán, por tanto, nun tenemos nengún problema, tampoco, con ser asturianos y defender l'asturianu"

How to Share With Just Friends

How to share with just friends.

Posted by Facebook on Friday, December 5, 2014
Volver

Compartir

2014 Izquierda Xunida d'Asturies - Política de privacidad - Política de cookies