Menu

El voceru parlamentariu afirma que solo representen un 20% del conxuntu de los profesionales y prácticamente tán eslleíes

Gaspar Llamazares, voceru parlamentariu d'IX na Xunta Xeneral, alvierte de que'l Gobiernu aguanta reconocer el fracasu del modelu d'árees de xestión clínica como alternativa al modelu tradicional. Asina s'esprende de los datos unviaos pol mesmu Gobiernu a la batería d'entrugues del diputáu d'IX, cuando ta próxima a cumplise una década dende la so implantación.

Rellata'l voceru parlamentariu d'IX que nestos momentos les árees son minoritaries, solo representen el 20% del conxuntu de los profesionales, en retrocesu, enllancaes y paralizaes, cuidando que l'órganu de coordinación de les árees foi prácticamente disueltu y cada vez hai menos árees, con menos memories y con menos alcuerdos de xestión. Según la información del propiu Gobiernu nestos momentos esisten constituyíes 41 Unidaes de Xestión Clínica, de les 66 autorizaes, lo qu'implica que 24 d'elles nun fueron constituyíes dende 2009 hasta 2017; nestes unidaes tán integraos 3.131 oficios, lo que supon el 22,8% de los profesionales del SESPA. Mientres los años 2012, 2015 y 2016 nun se roblaron nengún Alcuerdu de Xestión y en 2017 robláronse 11 alcuerdos.

El Gobiernu ha tomar nota d'esi paralís y retomar una iniciativa que realmente se correspuenda con una mayor participación de los profesionales, de los ciudadanos y con una orientación a la calidá de l'atención y non tantu al aforru, como fueron hasta agora les árees de xestión clínica.