Menu

La eurodiputada Ángela Vallina y el diputáu autonómicu Ovidio Zapico axuntáronse güei con Andrew Bianco, responsable del gabinete del comisariu de Mediu Ambiente, Karmenu Vella, pa encetar acciones que dexen erradicar el plumeru non solo n'Asturies sinón tamién na cornisa cantábrica y otros países como Portugal, Francia ya Italia.

IX d'Asturies va plantegar al Gobiernu d'Asturies que se dirixa al de la nación por que pida la inclusión del plumeru de la pampa na llista europea d'especies esmolecedores, pa lo que ye imprescindible que l'executivu central tome la iniciativa.

Nuna xunta caltenida esta mañana con Andrew Bianco, responsable del gabinete del comisariu de mediu ambiente, Karmenu Vella, la eurodiputada asturiana Angela Vallina y el parllamentariu autonómicu Ovidio Zapico treslladaron la situación que se vive n'Asturies y nel norte del país fundamentalmente énte la plaga d'esta planta que ta amenaciando yá otres especies autóctones, amás de tar xenerando yá problemes de salú por alerxes o por xenerar redolaes que favorecen el anidamiento d'aguarones.

Ovidio Zapico treslladó a Andrew Bianco les dificultaes pa poder erradicar esta plaga si nun se llogra una acción coordinada y conxunta con otres comunidaes autónomes, dada la facilidá d'espardimientu de les sos granes al traviés del aire, yá que pueden estendese hasta una distancia de 32 km el material d'un solu plumeru.

Pala diputada Angela Vallina el Gobiernu asturianu tien el deber d'asumir la responsabilidá frente al central, que al so xuiciu nun puede perder más tiempu pa llograr la inclusión del plumeru nesa llista d'especies esmolecedores.

Ser incluyida como especie esmolecedora nun trai de manera automática la disposición de fondos europeos pala so erradicación, sicasí sí que contribúi, con un plus adicional, nel pidimientu de fondos pa otros proyectos de distintu tipu, nos que como xuna acción complementaria inclúyase la llucha contra esta plaga.

Precisamente'l parlamentu asturianu fala mañana d’una iniciativa d'IX na qu'Ovidio Zapico va preguntar sobro qué acciones tán desenvolviendo nestos momentos precisamente'l parlamentu asturianu frente a esta planta.