La eurodiputada cuestiona que nun se plantegó nengún mecanismu para aseguar el principiu de subsidiariedad garantizando'l papel de les ciudaes na arquitectura política de la Unión
La eurodiputada de IU Ángela Vallina reclamó esta selmana'l control y la supervisión per parte del Europarlamento de l'axenda urbana europea y les sos partenariados, de la que denunció la falta de participación de la cámara nel Pactu de Amsterdam, que la so puesta en marcha, criticó, impulsóse non por un alcuerdu formal sinón al traviés de correos electrónicos.
Vallina, que participaba como “ponente na solombra” de la Comisión de desenvolvimientu Rexonal (REGI) sobro l'Informe del Papel de les Ciudaes nel marcu Institucional de la Unión, ellaboráu pola Comisión d'Asuntos Constitucionales (AFCO), llamentó que, a pesar del respaldu que se da al pactu de Amsterdam, el so afitamientu fíxose “d'una manera bien poco democrática: nin siquier nuna xunta de Ministros, sinón al traviés de mails”.
De la mesma, criticó que s'escluyera a la Eurocámara sobro los partenariaos, que van trabayar sobro cuestiones concretes que van dende la inclusión de refuxaos, a la calidá del aire, la rexeneración urbana, la economía circular, l'empléu o la vivienda. “Dicen cuálos son los (responsables de los) partenariados, ye la so elección, pero en concencia, el Parlamentu, que ye l'órganu democráticu, escoyíu democráticamente, nun participó y nun sabe específicamente munches vegaes cuálos van ser”. Ello ye que según Vallina la cámara nin siquier ye tomada en cuenta pa la supervisión de les resultancies.
Frente a esti modelu, la eurodiputada asturiana reclamó que tantu l'axenda como los partenariaos sometense al control y supervisión del Parlamentu.
Vallina señaló que güei les ciudaes son elementos clave tantu na Unión Europea como nel restu del mundu, lo que fai necesariu la definición de polítiques públiques que dexen regular el marcu de les sos competencies, más allá del principiu de subsidiaridad que rixe na UE pero que, sicasí, nun tien efectu en dellos Estaos. Nesti sentíu, citó'l casu d'España que, recordó, rexistráronse mientres la crisis importantes retayos, tantu en competencies como económicos. Sicasí, reprochó, “nun vi nengún movimientu dende esta Unión pa protexer esi principiu de subsidiaridad”.
La cuestión nun ye menor, cuidando que, a xuiciu de la eurodiputada, apostar pol pactu de Amsterdam tien que dexar la meyora de la gobernanza coles mires de llograr una aplicación más eficaz y coherente nes ciudaes de les polítiques vixentes de la Unión n'ámbitos como'l mediu ambiente, el tresporte o l'emplegu, por citar delles de les que s'inclúin nesti alcuerdu que, en teoría, tamién tendría de centrase en facilitar l'accesu al financiamientu comuñal.
El pactu de Amsterdam supon la culminación d'un procesu de reconocencia del papel de les ciudaes qu'arrinca cola Carta de Leipzig (2007), la Declaración de Marsella (2008), la Declaración de Toledo (2010) y la Declaración de Riga (2015).
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies