Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Los diputaos nacionales de Xuníos Podemos participen a partir de güei en talleres abiertos sobro los Presupuestos Xenerales del Estáu

La iniciativa va desenvolvese n'Avilés, Xixón, Llangréu y El Franco d'equí al próximu sábadu

Los diputaos nacionales de Xuníos Podemos per Asturies, Sofía Castañón y Segundu González, van participar a partir de güei en dellos talleres abiertos sobro los Presupuestos Xenerales del Estaos cola recoyida d'enmiendes pa lo que va tar disponible un modelu, empobináu a facilitar a la sociedá civil la participación na ellaboración de les cuentes de la nación. Nos talleres preve la participación de grupos y organizaciones municipales tantu d'Izquierda Xunida (IX) -segunda fuerza d'Asturies nos Conceyos), como de Podemos y Equo.

La Casa de Cultura d'Avilés y el Centru Municipal Integráu Atenéu de La Calzada de Xixón van acoyer los primeros talleres, esta mesma tarde (xueves 12 d'abril), a partir de les 18:30 hores nel primer casu, cola participación de Segundu González, y dende les 19:00 hores, nel segundu, nesti casu con Sofía Castañón.

El vienres 13, a partir de les 17 hores, Segundu González, va tar na Biblioteca Pública Municipal Escueles Doráu de Llangréu (Sama).

Amás, yá pal sábadu 14, González va tar n'A Caridá (El Franco), na Sala "El Payar" del Complexu Cultural As Quintes, a partir de les 12 hores.

 

Volver

Compartir

2014 Izquierda Xunida d'Asturies - Política de privacidad - Política de cookies