Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares acusa al Gobiernu de Rajoy d'utilizar medies verdaes pa despintar el deterioru del Centru Penitenciariu d'Asturies

Según la respuesta escrita del Executivu los internos qu'atiende la UTE prácticamente amenorgaran a la metá nos últimos años

Gaspar Llamazares, voceru parlamentariu d'IX na Xunta Xeneral, acusa al Executivu de Mariano Rajoy d'utilizar medies verdaes pa despintar el deterioru de la convivencia nel Centru Penitenciariu d'Asturies. El diputáu d'IX argumenta esta afirmación nos datos de la respuesta del propiu Gobiernu a les entrugues realizaes pol diputáu Ricardo Sixto sobro la situación de la cárcel asturiana. Nes esplicaciones l'Executivu del PP sostien qu'en 2017 nun hubo nengún fallecimientu debío al consumu de drogues nin por suicidiu, “solo” una agresión grave a funcionarios nel últimu añu, “solo” una grave ente internos, amás de negar la esistencia d'un modelu UTE”, que califica de programa, y qu'anguaño atiende más de 360 internos. De la mesma, describe qu'axusta la tresferencia de la sanidá penitenciaria coles comunidaes autónomes y que nun preve nengún cambéu na Dirección del Centru Penitenciariu d'Asturies.

El voceru parlamentariu d'IX d'Asturies sostien que la respuesta del Gobiernu central al respective de la Unidá Terapéutico y Educativo de la cárcel d'Asturies ye una media verdá o, podemos dicir, qu'en parte nun ye cierta. Per una parte diz el Gobiernu que se caltién la UTE y, “nun ye cierto”, porque la UTE ye la metá de lo que foi. “Esistía una o delles unidaes con 600 internos y nestos momentos nun hai nin siquier 300 internos, colo cual menguó drásticamente l'alternativa llibre de drogues de la UTE”, alvierte Llamazares.

Per otru llau, cuando'l Gobiernu refierse a los incidentes, rellata Llamazares, lo que fai ye minusvalorarlos de tala manera que diz que n'Asturies estos mengüen o se caltienen cuando la impresión ye la contraria.

Na respuesta'l Gobiernu central tamién fala d'una supuesta negociación col gobiernu autónomu pola sanidá penitenciaria. Esta negociación tendría de tener como base'l conveniu pero'l Gobiernu incumple paladinamente esti conveniu, colo cual nun hai tala negociación de la tresferencia de la sanidá penitenciaria. “El Gobiernu central diz medies verdaes o midíes mentires”, diz Llamazares.

Volver

Compartir

2014 Izquierda Xunida d'Asturies - Política de privacidad - Política de cookies