Mayka Barros reivindica la urxencia d'una reivindicación pola que se lleva lluchando yá dende 2005
El Grupu parlamentariu de Xuníos Podemos nel congresu presentó güei una proposición non de llei pa reconocer la especialidá de Llingua Asturiana en Primaria y en Secundaria. La Secretaría de movimientos sociales d’IX Asturies, Mayka Barros, y el diputáu per Asturies Segundu González reivindicaron güei en Madrid el derechu de toes aquelles persones que deseyen aprender nel sistema educativu la llingua asturiana.
La presentación de la PNL faise xusto un día antes de la gran manifestación que s'espera pa mañana sábadu, na que se va reivindicar la cooficialidá pal asturianu.
Barros recordó que'l pidimientu de reconocencia pala especialidá n'Asturianu yá lleva pidiéndose dende l'añu 2005 y que en 2015 el mesmu Conseyu Escolar del Estáu fízolo de so. “Yá ye urxente y yá va siendo hora, porque tien sobremanera dos oxetivos fundamentales: Unu la implantación curricular del asturianu y otra, tamién bien importante, y ye que'l profesoráu d'asturianu que güei día yá ta trabayando ameyore les sos condiciones llaborales, dándo-y estabilidá y les sos condiciones d'accesu”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies