Izquierda Xunida, Podemos Asturies, CCOO, UXT y PCA convoquen una concentración d'urxencia mañana martes énte la matanza de palestinos en Gaza per parte del exércitu d'Israel
La concentración va tener llugar esti martes, 15 de mayu, a les 12.30 hores frente a la Delegación del Gobiernu, na Plaza d'España d'Uviéu
Izquierda Xunida, Podemos Asturies, UXT y PCA convoquen esti martes, 15 de mayu, a les 12.30 hores frente a la Delegación de Gobiernu, na Plaza d'España d'Uviéu, una concentración d'urxencia énte la ofensiva llanzada pol exércitu d'Israel sobro población civil palestina que participaba na Gran Marcha de la Torna, una manifestación pacífica que reclamaba'l derechu de les palestines y los palestinos abellugaos a volver a los sos llares.
Nes caberes hores del llunes yeren yá 52 les persones palestines asesinaes y más de 2.400 les feríes por fueu israelinu nuna ofensiva que yá foi denunciada pol Comité de la ONU pa la Prevención de la Discriminación Racial, qu'esixó al Gobiernu d'Israel el cese del “usu desproporcionáu de la fuerza" contra la población palestina en Gaza.
La concentración convocada poles cuatro organizaciones enmarcase nuna convocatoria de calter estatal con motivu del 70 aniversariu de la Nakba, la ocupación militar de Palestina, qu'esixe al Estáu d'Israel el cumplimientu de los Derechos Humanos y el derechu a la torna de les persones abellugaes.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies