Menu

La moción d'IX foi sofitada por Ciudadanos, Podemos y PP, l'astención de Foro y el votu en contra del grupu parlamentariu socialista

La Xunta Xeneral encamienta al Conseyu de Gobiernu a alcordar colos sindicatos d'enseñanza asturianos un plan d’estabilización de les plantiyes educatives. Esta moción subsiguiente cuntó colos votos a favor de la coalición, Ciudadanos, Podemos y PP, l'astención de Foro y el votu en contra del grupu parlamentariu socialista.

La diputada d'IX, Concha Masa, defendió que la moción subsiguiente aprobada referíase a la estabilización de persones nes places y tamién de les plantiyes nos centros. Dende IX defendemos, dixo, l'accesu a la función pública con un sistema estrictu, tresparente, rigorosu y que respete la igualdá, el méritu y la capacidá. “Nun s'entienda equí qu'un plan estabilización ye para camudar l'accesu a función pública por que tolos profesores interinos tengan plaza”, puntualizó.

Masa recordó que n'Educación Secundaria hai un porcentaxe interinidá del 30% dependiendo de les árees, “que tol mundu entiende que ye escesivu”. Tamién apuntó qu'hai alcuerdos por que la interinidá amenorgara al 8% pero nun sabemos nin cómo nin cuándo. Ye más, coles oposiciones tamos bien llueñe de llegar a esta cifra nin n'anguaño nin en socesivos, esplicó.

El Profesoráu interín tien condiciones bien diverses, y en munches árees hai materies ensin convocar oposiciones mientres munchos años. De la mesma, dase la problemática sobro profesoráu interín mayor de 55 años que si pierde les sos places docentes ver en condiciones dures de cara a xubilación. Na descripción de Concha Masa tamién figura la reivindicación del profesoráu y de los sindicatos sobro l'amenorgamientu horariu de 20 ó 21 hores, a 18. “Un pasu tras que se dio na denominada crisis y que pidimos que se revierta”, apuntó la diputada d'IX.

Otres idees apuntaes pola diputada d'IX a la Conseyería pa dar estabilidá al profesoráu ye que bien se podría faer con una planificación pal amenorgamientu horariu a les 18 hores lectives, al pie de l'amenorgamientu horariu del profesoráu cercanos a xubilación y el calendariu afayadizu d’oposiciones, “tendríamos xuna planificación más clara”.

tamién considera la estabilización de les plantiyes nos centros, un asuntu bien aldericáu dáu los problemes de les nales, onde ye más difícil cubrir places de funcionariado, onde los centros que llamenten que'l profesoráu sía tan variable hasta que consiguen plaza n'área central. “Esto supon un problema de planificación, nos curriculums, tamién pa los alumnos nun ye lo más afayadizo tantu camudamientu”, citó.

D'últimes Concha Masa señaló que la estabilización rique un esfuerzu presupuestariu y que les cuestiones de tipu llaboral pertenecen a les organizaciones sindicales y a la relación ente Conseyería y los representantes de los y les trabayadores