Menu

IX va preguntar al Gobiernu sobro la execución del conveniu de los fondos mineros robláu en 2017, el cumplimientu de la sentencia del director de Silicosis y por midíes sobro violencia machista.

Gaspar Llamazares, voceru parlamentariu d'IX na Xunta Xeneral, va defender nel plenu de la Xunta una Proposición Non de Llei na que se plantega la integración de la FIMBA (Fundación pa la investigación y la innovación Biosanitaria n'Asturies) y la Oficina d'Investigación Biomédica y, como pasu siguiente, la firma d'un pactu pola investigación n'Asturies. Los dos organismos d'investigación sanitaria mentaos van cada unu pel so llau, dixo Llamazares pa señalar qu'énte la evolución de les patoloxíes y la necesidá d'introducir elementos sociosaniatarios y de prevención, lo lóxico ye que dambos institutos collaboren primeramente pa depués integrase. “Nun tien sentíu tener dos organismos d'investigación sanitaria, unu pa los hospitales y otru pal restu de la rede sanitaria”, esplicó'l voceru d'IX. Al so xuiciu, ye una propuesta coherente dientro de lo que sería bien importante nesta llexislatura: llegar a un pactu pola investigación. “Tenemos un grave problema, que ye'l del financiamientu, compartíu col restu de les comunidaes y l'estáu, pero tamién de xestión, y hai que llegar a un pactu ampliu de xestión nesta materia porque ye una cuestión compartida per parte de la Universidá, l'autonomía y el gobiernu Central. Ye bien necesariu esi impulsu de la investigación que se perdió na crisis”, esplicó.

El grupu parlamentariu d'IX tamién va aprovechar la sentencia pa preguntar al Executivu sobro cuál ye la razón pola que'l Gobiernu encerriscase en nun cumplir la sentencia sobro l'Institutu Nacional de Silicosis, cuando hubo yá dos sentencies, la primera contraria a la designación d'un director por llibre designación y la segunda por escoyer un candidatu que nun cumple col baremu establecíu por el mesmu Gobiernu. Nesta última sentencia'l xuez alvirtió al Conseyeru con una multa diaria si nun cumple la sentencia de momentu. “Ye un absurdu absolutu énte un Gobiernu que nun quier cumplir”, dixo Llamazares

IX va preguntar qué midíes tien pensáu poner en marcha del Gobiernu d'equí a final de llexislatura pa intensificar la llucha contra la violencia de machista y pola situación de los fondos mineros. Nesti últimu aspeutu, IX va entrugar sobre: ¿cuál ye l'actual nivel d'execución y desenvolvimientu del conveniu robláu'l 20 de payares de 2017 ente'l Principáu d'Asturies y el Ministeriu d'Enerxía pal impulsu económicu de les cuenques mineres?.