L'actu va desenvolvese mañana vienres nel Café Macondo de Xixón, a les 19:30 hores
La periodista de TVE y ex corresponsal n'Oriente Mediu, Yolanda Álvarez, y la eurodiputada Ángela Vallina, van falar mañana vienres, a partir de les 19:30 hores, en Xixón, la situación pola que traviesen los territorios palestinos ocupaos per Israel. Sol títulu "Ensin noticies de Gaza. L'usu de la información como arma de guerra", la reportera y la parllamentaria van esplicar l'apagón informativu sobro esta castigada zona del mundu o la emisión de noticies nes que trata de despintase la realidá sobro'l conflictu.
L’actu, entamáu pola Oficina n'Asturies de la Eurodiputada Ángela Vallina (IX-GUE/NGL), va desenvolvese nel Café Macondo (plaza Ciudá de L'Habana, nº3 de Xixón) y al mesmu va asistir el coordinador xeneral d’IX Asturies, Ramón Argüelles.
La conferencia realizase nel marcu de les actividaes previes a la llegada a Xixón de la Flotilla de la Llibertá "Camín de Gaza".
Anguaño redactora d'En Portada, Yolanda Álvarez foi corresponsal d'informativos de TVE n'Oriente Mediu hasta l'añu 2015. El so cese produciose tres ser denunciada per Israel como "una mera vocera de Hamas" y ser obligada pola dirección d'Informativos de TVE a abandonar Gaza, dende onde informaba en directu a diariu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies