Menu

L'arrenunciu de Sánchez ye un xarru d'agua frío pa los ciudadanos que van ver como los servicios públicos son más difíciles de caltener y ameyorar, diz el voceru d'IX

Gaspar Llamazares, voceru parlamentariu d'IX na Xunta Xeneral, llamenta que'l nuevu Gobiernu refugue un nuevu modelu de financiamientu autonómicu a lo llargo de la llexislatura incumpliendo los compromisos heredaos cola Conferencia de Presidentes. L'arrenunciu del nuevu Gobiernu de Pedro Sánchez a axustar el nuevu modelu de financiamientu ye “un xarru d'agua frío” pa les comunidaes autónomes polo xeneral y p’Asturies en particular y, sobremanera, pa los ciudadanos que van ver cómo los servicios públicos son más difíciles de caltener y ameyorar la so calidá porque nun tienen financiamientu abondu, piensa'l voceru parlamentariu d'IX d'Asturies. Nesi sentíu, el grupu parlamentariu d'IX va dirixir al Gobiernu asturianu por qu’emplace al Gobiernu central por qu'abra el financiamientu autonómicu, porque ye un financiamientu imprescindible pa caltener y ameyorar los servicios públicos. “De dichu financiamientu depende una bona parte del estáu del bienestar güei infra financiáu”, alvierte Llamazares.

Al so xuiciu, nun va ser posible recuperar servicios públicos esenciales como la sanidá, la educación, los servicios sociales, etcétera ensin una medría del financiamientu que, lo que ye güei, nun cubre nin el 80% del gastu de les comunidaes autónomes.

“Emplazamos al Gobiernu asturianu a que convenza a los sos homólogos nel nuevu Gobiernu por que reconsideren la so decisión y abran la negociación con partíos y comunidaes autónomes”, conclúi Llamazares.