Menu

Los Grupos Parlamentarios de la oposición se Ciudadanos, Izquierda Xunida, y Podemos Asturies na Xunta Xeneral del Principáu d'Asturies, en compromisu cola defensa de los Derechos Humanos, y entendiendo qu'esta defensa solo ye eficaz si entiéndese y contempla de manera global, reconocemos el llabor de toes aquelles persones que s'apurren a la mesma, n'ocasiones con enormes sacrificios y riesgos personales.

Los retrocesos en materia de Derechos Humanos en cualesquier parte del mundu son motivu d'esmolición pa la comunidá internacional, de la que formamos parte.

Y ye que nun tenemos más opción qu'amosar consternación énte la devaluación de los derechos y llibertaes na cercana Turquía, a les puertes d'Europa, sufierta especialmente tres el fallíu golpe d'Estáu en xunetu de 2016 y coles graves consecuencies que d'ello dimana pal conxuntu de la población. Ente xunu y xunetu de 2017, once defensores de Derechos Humanos, incluyíos el presidente d'Amnistía Internacional Turquía, Taner Kiliç y la directora d'Amnistía Internacional Turquía, İdil Eser, fueron deteníos.

Estos activistes taben realizando los sos llabores nun momentu en que los medios de comunicación independientes fueron callaos y la llibertá d'espresión nun ta garantizada, llegando a constatar un sentimientu de mieu ente la población. La so detención, daes les llabores que desempeña un organismu como Amnistía Internacional, asitia en posición de vulnerabilidá a otres persones, a ciudadanes y ciudadanos turcos que s'oponen a la política gubernamental actual y qu'agora pasen a correr más peligru ya indefensión.

Nun puede dexar de mentase que les once persones deteníes pola so actividá en defensa tantu de los Derechos Humanos como d'otros y otres activistes, nun realizaron nenguna conducta censurable. Taner Kiliç sigui encarceláu. Idil Eser y los demás defensores y defensores conocíos como "los 10 d'Istambul", atópense anguaño en llibertá so fianza y sobro toos ellos pesen inda cargos bien graves que so usu finalista tien de ser censuráu a nivel internacional.

La nueva audiencia xudicial del casu de toos ellos va tener llugar el próximu día 21 de xunu. La necesaria actividá de defensores de los derechos humanos y d'activistes poles llibertaes civiles en tolos países del mundu ye garantía de meyora social y democráticu. El llabor emprestáu en Turquía per parte de la reconocida organización Amnistía Internacional nun puede resalvase nestos momentos y ésta ye la causa pola que'l parlamentu asturianu aprueba la presente Declaración.

Por ello, manifestamos la nuesa solidaridá cola organización Amnistía Internacional reconociendo'l llabor que realicen los sos activistes en tol mundu, y con toles organizaciones non gubernamentales que tanto en Turquía como nel restu del mundu trabayen pol respetu de los derechos humanos y por ameyorar la vida y la dignidá de les persones, y amosamos la nuesa esmolición pola situación personal y procesal de Idil Eser y "los 10 d'Istambul", Taner Kiliç, Günal Kurşun, Veli Acu, Özlem Dalkıran, Nalan Erkem, Ali Gharavi, Peter Steudtner, İlknur Üstün, Nejat Taştan y Şeyhmus Özbekli.