El Conseyeru entrevistóse güei cola diputada Concha Masa pa falar del conflictu, anque refugó recibir a padres d'alumnos que viaxaron dende la localidá xuntu al coordinador local d'IX
El conflictu pol comedor nel colexu Verde Amor de Tinéu entró en fase de solución, según s’esprendió del compromisu algamáu esta mañana pol Conseyeru d'Educación, Genaro Alonso, con IX. Nuna xunta del responsable autonómicu y la diputada Concha Masa, el titular del departamentu anunció que va entainar toles xestiones para poner en marcha un comedor lo antes posibles, coles mires de qu’entre en funcionamientu'l próximu mes d'ochobre. “El conseyeru faló d'entainar tolos trámites”, afirmó Masa.
El prestu llegaba enturbiáu pola rocea a la promesa y el malestar d'un grupu de padres y madres que, xuntu al coordinador d'IX en Tinéu, Víctor Manuel Álvarez, viaxaren hasta Uviéu pa entrevistase col Conseyeru pero que, finalmente, nun fueron almitíos na xunta. “Vemos ciertes coses positives que veremos ver si se fai realidá esi compromisu que tien el Conseyeru pa llevar los servicios de comedor al segundu colexu qu'hai en Tinéu que ye'l Colexu Verde Amor. Nós siempres tamos un pocu duldosos de qu'eso vaiga a ser posible nesti mes de setiembre o ochobre”.
La decepción venía, sobremanera, por habese quedao a les puertes ensin poder treslladar, de forma directa, les sos necesidaes al Conseyeru, por culpa de que, llamentaba Álvarez “dexónos fuera de la Conseyería”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies