Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX refuga l'esmantelamientu del Circuitu d'Artes Escéniques y demanda soluciones a Cultura

Juan Ponte, Secretariu d'Acción Política, sorraya les repercusiones de los cambeos anunciaos pa los profesionales y los conceyos

IX refuga l'esmantelamientu del Circuitu profesional d'Artes Escéniques que paez ser la voluntá de la Viceconseyería de Cultura so un subterfuxu llegal. IX demanda articular les midíes oportunes por que puedan desenvolvese representaciones y funciones escéniques en toa Asturies y encamienta al Gobiernu a buscar les soluciones pa nun dexar al pié de los caballos a les compañíes de teatru profesional, que s'enteraron con nocturnidá y alevosía, prácticamente pelos medios de comunicación, de la voluntá del gobiernu de desmantelar el circuitu, sustituyéndolu per una supuesta llínea de subvenciones, de la que nun se conoz nin la dotación, nin cuándo se va a publicar nin cómo se va a desenvolver, sostien Juan Ponte, secretariu d'Acción Política d'IX d'Asturies. El responsable d'IX axuntó esta mañana al pie de la diputada d'IX nel Parlamentu asturianu, Concha Masa, con parte de la directiva d’Escenasturias, el so presidente Luis Alija y el secretariu Antón Caamaño, quien punxeron na so conocencia la intención de la Conseyería de Cultura de tresformar esti programa nuna llínea de subvenciones a los conceyos.

Recuerda que dende l'añu 2001 el Circuitu d'Artes Escéniques, magar les sos insuficiencias, dexaba a les compañíes de teatru desenvolver funciones artístiques nel conxuntu de los conceyos, al traviés d'una cofinanciación que foi variando del 70% per parte del Principáu y 30% de los conceyos hasta llegar agora al 50%-50%. A xuiciu de yá ye criticable esta rebaxa na cuantía, pero tamién que la Comisión de Siguimientu y Evaluación d'estos alcuerdos para'l Circuitu nun s'axuntara nos dos últimos años y agora los profesionales enterense pola prensa del cambéu de les condiciones. “En septiembre tendría qu'axuntase'l plenariu colos técnicos de los conceyos, pero tamos énte la incertidume absoluta de cómo va ser esta llínea de subvenciones, cuando se van a dar… y cuando la inversión yá nun ye más que de 0,30 céntimos per asturianu la que dedica al teatru profesional, 250.000 ó 300.000 euros añales”, alvierte'l secretariu d'Acción Política d'IX d'Asturies. Pa Juan , realizar esti llabor al traviés d'una llínea de subvenciones va significar precarizar a les artes escéniques asturianes, l'esmantelamientu del circuitu, la perda de representaciones en localidaes pequenes por lo exiguo de la subvención y los problemes de xestión ya indirectamente la perda d'infraestructures.

Concha Masa, diputada d'IX na Xunta Xeneral, acaba de rexistrar les siguientes entrugues pa la so respuesta por escritu per parte del Gobiernu: ¿Ye ciertu qu'esti sistema reguláu pol Resolvimientu de 12 de mayu de 2015 va ser sustancialmente modificáu nes próximes selmanes?; ¿Si tou esto ye asina cuál ye la razón pola que'l Gobiernu decidió unilateralmente modificar el sistema de promoción y financiamientu de les artes escéniques n'Asturies en perxuiciu de los conceyos, de les compañíes y del públicu asturianu?;¿Cuál ye la razón pola que'l Gobiernu tuvo más de dos años ensin convocar la Comisión d'Asesoramientu, Siguimientu y Evaluación del Circuitu d'Artes Escéniques?;¿Evaluó'l Gobiernu les consecuencies negatives que va tener pa les artes escéniques asturianes el cambéu propuestu; y sía que non como pretenden evitase?

Volver

Compartir

2014 Izquierda Xunida d'Asturies - Política de privacidad - Política de cookies