Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Los grupos parlamentarios d'IX y Podemos piden a Sánchez que fale tamién de derechos humanos con Iván Duque, que'l llunes visita España

Los grupos parlamentarios d'IX y Podemos piden a Sánchez que fale tamién de derechos humanos con Iván Duque, que'l llunes visita España

Dende los Grupos Parlamentarios d'Izquierda Xunida y Podemos na Xunta Xeneral del Principáu d'Asturies espresamos la nuesa más fonda esmolición polos asesinatos sistemáticos que se vienen cometiendo con total impunidá contra la dirixencia social colombiana: ambientalistes, dirixentes llabradores, dirixentes políticos d'oposición, sindicalistes, activistes pola paz, muyeres y homes que defenden el diálogu y los alcuerdos de paz cola guerrilla.

Según la Defensoría del Pueblu de Colombia, 311 persones dirixentes sociales fueron asesinaes nos postreros 18 meses, 98 a lo llargo del presente añu, 24 nel últimu mes.

Son crímenes de lesa humanidá que beneficien los planes y proyectos de l’agroindustria y de les multinacionales mineres y enerxétiques. Son la re-configuración del terror institucionalizáu, silenciosu ya impune.

Esta realidá bederre llévanos a espresar la nuesa solidaridá col movimientu social colombianu y coles families de les víctimes, y a esixir de los gobiernos español y asturianu que non yá s'interesen polos negocios del capital español en Colombia, sinón que tamién espresen el so refugu énte la folada de crímenes que precieden al gobiernu d'Iván Duque, quien va visitar al gobiernu español el próximu llunes nuna axenda que, hasta onde se conoz, nun contempla'l otorgamientu de garantíes pa la vida de la dirixencia social, nin el respetu polos Derechos Humanos, que son compromisos asumíos pol gobiernu colombianu nos sistemes internacionales de Derechos Humanos y nos Trataos de Llibre Comerciu.

Espresamos la nuesa reconocencia y solidaridá al Colectivu de Colombianos y Colombianes Abelugaos n'Asturies y al Programa Asturianu d'Atención a Víctimes de la Violencia en Colombia.

Volver

Compartir

2014 Izquierda Xunida d'Asturies - Política de privacidad - Política de cookies