Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares asegura que la descarbonización exprés va suponer la « muerte súbita » del sector Mineru y enerxéticu asturianu con un grave impactu pal restu de la industria

El diputáu denuncia que la propuesta de la ministra Teresa Ribera torga una transición xusta

La propuesta de la ministra Teresa Ribera sobro la descarbonización va ser una "muerte súbita" pal carbón que va amenaciar, amás, el texíu industrial asturiano. El voceru d'IX na Xunta Xeneral del Principáu, Gaspar Llamazares sollertó güei del riesgu d'un adelantamientu nos plazos: "Yá nun vamos falar de transición enerxética. Nun ye cierto. Lo que nos propón la Ministra ye la muerte súbita de les centrales térmiques y, de resultes, una reconversión dura del nuesu sector industrial, inaceptable p'Asturies".

Llamazares apostó por aumentar los plazos siquier a 10 años, de la que se ponen midíes "ciertes" y "previes" de reindustrialización y emplegu nes cuenques afectaes.

Lo demás, aseguró'l parllamentariu, "ye condergar a esta Comunidá Autónoma y a les cuenques mineres en particular a un nuevu trauma industrial a un nuevu trauma en relación al emplegu".

Desque se abrier el'alderique de la descarbonización, denunció Gaspar Llamazares, les coses empioraron, más, colos nuevos allugamientos de Ribera que, enfatizó, "sigue chau nel mesmu plantegamientu de muerte súbita".

El cambéu nel escenariu obliga a más pasos per parte de toles fuercies pero, especialmente, per parte del Gobiernu d'Asturies y de la Federación Socialista Asturiana yá que, según Llamazares, nun basta con que s'opongan a esti nuevu modelu: "Hai qu'articular una mayoría social y política que dea cierta consistencia a lo que podemos denominar una transición enerxética xusta y una transición enerxética posible".

Volver

Compartir

2014 Izquierda Xunida d'Asturies - Política de privacidad - Política de cookies