Marta Pulgar pide "midíes clares y decidíes pa garantizar que les persones en situaciones de probeza tengan salíes"
La diputada d’IX Marta Pulgar reclamó güei que s'acelere'l procesu pa la puesta en marcha de la Llei de Garantía y Derechos y Prestaciones Vitales, presentada güei públicamente pola conseyera Pilar Varela. "Hai que tomar midíes clares y decidíes pa garantizar que les persones que viven en situaciones de probeza y esclusión social tengan salíes y derechos garantizaos per parte de l'alministración. Creemos que sigue siendo una prioridá".
Pulgar xustificó'l nuevu marcu llegal qu'agora empecipia la so andadura yá que s'inclúin temes tan importantes con meyores el Salariu Social, amás d'otros rellacionaos cola llucha contra la probeza enerxética, la probeza infantil o l'atención a mayores. "Tou ello hai qu'encetalo dende una perspectiva bien clara: ameyorar y dar axilidá a ayudes que realmente son d'emerxencia y l'Alministración tien que tratales con esa urxencia y esa emerxencia"
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies