Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

06/10/2018
Marián Iglesias y Gabriela Álvarez

IX denuncia la supresión del tresporte escolar y la beca de comedor a alumnos d'Ayer y esixe al Principáu una solución

Gabriela Álvarez reprocha la falta d'empatía d'Educación colos problemes de la población de zones rurales y reclama compromisos

La vocera d'IX n'Ayer, Marian Iglesias, denunció güei la supresión del tresporte escolar pal alumnáu de Collanzo, la Fonte y Cuérigo, lo que supon, al so xuiciu, una torga nidia pa poder realizar los sos estudios, polo que reclamó que se busque una solución de forma inmediata. Y ye que, por si fora poco, reprochó, estos menores quedáronse amás ensin la beca de comedor nel colexu de Cabanaquinta que-yos correspondía, según la so casa. Énte esta situación, esplicó Iglesias, “pidimos a la Conseyería d'Educación que reconoza los derechos de tresporte y comedor d'estos alumnos”.

Les falles na atención a la población n'edá escolar nun son esclusives d'Ayer. Ello ye que según la secretaria de Política Municipal d’IX Asturies, Gabriela Álvarez, tamién se detectaron faltes y situaciones similares n'otros llugares, polo que pidió la máxima implicación del Principáu d'Asturies pa resolver los problemes y, sobremanera, garantizar el derechu a la educación en tol territoriu de la comunidá autónoma.

“Un nuevu entamu de cursu y yá atopamos problemátiques nel tresporte escolar nes distintes zones rurales“, criticó Álvarez.

Ello ye que los defectos nun son nueveos. “Nesti casu, ye Ayer, pero l'añu pasáu tuvimos numberosos problemes en distintes zones d'Asturies y creo que, desgraciadamente, vamos siguir teniéndolos”.

Pa la secretaría de Política Municipal d'IX d'Asturies, la Conseyería d'Educación tien una falta d'empatía total” coles zones rurales. La falta de midíes y recursos, enfatizó Gabriela Alvarez, nun ye precisamente la meyor vía pa garantizar nel futuru la fixación de población nel campu asturiano. “Nun podemos falar d'un afianzamientu de población si nun apostamos fuertemente por garantizar que tenga los servicios mínimos cubiertos, como, nesti casu, tamos falando d'educación y de tresporte escolar. Abasta yá de la dexadez de la Conseyería y apostemos fuertemente por un compromisu seriu coles zones rurales”.

Volver

Compartir

2014 Izquierda Xunida d'Asturies - Política de privacidad - Política de cookies