Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

11/10/2018

Priscila Alonso anuncia que Va siguir a la llínea de trabayu de Javier Ardines ensin mieu

Ramon Argüelles aportuna na necesidá urxente d'esclariar les causes del asesinatu del conceyal llaniscu pa parar la deriva d'amenaces.

Priscila Alonso tomo posesión hai apenes unos minutos del escañu qu'hasta'l pasáu 16 d'agostu ocupaba'l so compañeru Javier Ardines, brutalmente asesináu. La nueva conceyala d'IX en Llanes anunció, emocionada, que va caltener la llínea de trabayu del so predecesor y que lo fadrá ensin mieu. Garantizar l'accesu llaboral al Conceyu respetando los principios de publicidá, méritu, capacidá o concurrencia, esto ye, la igualdá d'oportunidaes, va ser una d'eses llínees de trabayu, al igual qu'una ordenación urbanística a la midida de los intereses de la ciudadanía llanisca y non d'intereses particulares.

El Coordinador xeneral d'IX d'Asturies, Ramon Argüelles, reclamó tres el Plenu la máxima dilixencia pa poder esclariar les circunstancies del crime, de primeres, pa dar respuestes a la so familia, amigos y compañeros, pero tamién como vía para poner frenu al debalu d'amenaces rexistraes tres l'asesinatu, en forma d'amenaces esplícites de muerte a otros cargos de la organización, y d'otros partíos políticos.

Volver

Compartir

2014 Izquierda Xunida d'Asturies - Política de privacidad - Política de cookies