Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares considera que los bancos tienen de pagar l'impuestu d'actividaes xurídiques documentaes de les hipoteques

Alvierte de la grave responsabilidá del Presidente del Supremu y del de la Sala al rectificar la independencia xudicial

Gaspar Llamazares, voceru parlamentariu d'IX na Xunta Xeneral, amuésase d'alcuerdu na pretensión del Gobiernu Sánchez de modificar la llei por que sían los bancos los que paguen l'impuestu d'actividaes xurídiques documentaes de les hipoteques en cuenta de los veceros. “Esta posición aforrárase si caltuvieran la sentencia inicial del Tribunal Supremu”, alvierte'l voceru d'IX, que recuerda que lo que se provocó ye “un ridículu absolutu del Tribunal Supremu y un ataque, una falta, a la independencia del poder xudicial per parte de quien más tendríen de defendelo que ye'l Presidente del Tribunal Supremu y el Presidente de la Sala, que quedaron totalmente desautorizaos”.

A xuiciu de Llamazares el xiru copernicanu del Supremu ye una de los mayores atentaos a la independencia del Poder Xudicial nesti país. El voceru d'IX apunta que no fondero la independencia ye la independencia nes sentencies y nesti casu revísase una sentencia que nun foi recurrida, sinón que la revisa prácticamente d'oficiu la sala del Supremu para rectificar una decisión lexítima per parte d'unos xueces. “Creemos qu'hai una grave responsabilidá per parte del Presidente del Supremu y del Presidente de la Sala que nun pueden refugar y que nun pueden llanzar contra'l Gobiernu o'l Parlamentu. Non siempres que llueve ye porco governo o porco parlamento”, alvierte'l diputáu d'IX na Xunta Xeneral.

Volver

Compartir

2014 Izquierda Xunida d'Asturies - Política de privacidad - Política de cookies