Menu

El coordinador xeneral de IU Asturies enfea que, tres 30 años, sigan proyectos pindios a pesar de los anuncios y aportuna na necesidá de comunicaciones aérees internacionales

El coordinador xeneral d’IX Asturies, Ramón Argüelles, reprochó güei la falta de compromisos reales pa coles infraestructures d'Asturies de los socesivos Gobiernos d'España y les visites, "al estilu de Bienveníu Mr Marshall" que tantu'l nuevu Ministru de Fomentu, José Luis Ábalos, como otros anteriores, realizaron a Asturies ensin que, a la fin, háyanse zarráu proyectos que, en dellos casos, lleven décades pindies. Lleguen, dixo, con anuncios de que "van iguar Asturies y van dotar d'inversiones que nunca naide les fixo y, a la fin, 30 años más tarde tamos igual". Frente a ello, reclamó que los presupuestos empiecen a incluyir partíes reales por que, añedió, "Asturies nun tenga un cercu".

Al respective de les comunicaciones aérees, Argüelles señaló que noticies como la d'un nuevu enllaz a Murcia puede tar perbién pero que lo prioritario tien de ser enllaces con destinos internacionales. "Fai unes selmanes vimos que tábamos aisllaos, que nun teníamos vuelos internacionales; güei espertamos cola noticia de que vamos tener un vuelu a Murcia. Bonu, nun ta mal, nun ye lo más deseyao, pero que tenemos que siguir engarrando nesa dirección, tenemos que buscar vuelos non solamente a Murcia y al restu d'España, sinón a Europa: Asturies precisalo".