Menu

La eurodiputada y candidata d'IX a la presidencia d'Asturies reivindica un apueste claru pola investigación y el desenvolvimientu.

La eurodiputada y candidata d'IX a la presidencia del principáu, Angela Vallina, reclamó güei que se algame alcuerdos con otros países pa declarar al plumeru de la pampa (cortaderia seollana) como especie invasora. Esta declaración, esplicó, abriría la puerta a llograr víes de financiamientu européu pa so erradicación. Tratase de llegar a compromisos con siquier otros dos estaos cómo podríen ser Portugal, Francia ya Italia que tienen tamién un problema importante con esta planta.

Ángela Vallina y el diputáu y tamién candidatu a la Xunta Xeneral del Principáu, Ovidio Zapico visitaron güei les instalaciones del Institutu Nacional del Carbón (INCAR) pa conocer la investigación puesta en marcha pola entidá pa buscar soluciones que dexen erradicar el plumeru. Precisamente gracies a una propuesta d'IX llogróse una subvención de 40.000 euros, incluyíos nos presupuestos autonómicos pa financiar estos estudios, amás d'una partida de 400.000 pa empecipiar la supresión mecánica” de la cortaderia.

Pa Vallina ye imprescindible apostar pola investigación y el desenvolvimientu de forma xeneral, con partíes nos presupuestos que dexen reforzar los equipos científicos que yá tán operativos tantu na Universidá como n'otres instituciones daqué que, llamentó, ta un pocu “abandonao”.

Ovidio Zapico aportunó, pela so parte, na necesidá d'un apueste claru pola investigación, el desenvolvimientu y l'innovación (I+D+i), daqué que, dixo, ye una prioridá pa IX que punxo en marcha siempres que tuvo na so mano.