Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

18/05/2019

Ángela Vallina y Alberto Garzón piden el votu p’Asturies pola Izquierda pa evitar 'la gran nube final' que barra la industria y la economía autonómica

La candidata a la Presidencia d'Asturies reprocha que, a cinco díes del fin de campaña, el PSOE y les dereches nun presenten el programa y basen les sos promeses electorales en "escurrimientos"

Ángela Vallina y Alberto Garzón llamaron güei en Xixón a la máxima movilización y al “votu útil” a Asturies pola Izquierda como única alternativa pa llograr un nuevu Gobiernu que dexe avanzar a Asturies. “Ye abondo lo que nos xugamos”, afirmaron tantu la candidata a la Presidencia, como'l coordinador federal, pos el próximu 26 de mayu va definise non cuántos escaños va tener la formación nel Parlamentu Autonómicu o nos Conceyos, sinón el futuru pa delles décades. Vallina aseguró qu'Asturies ta nun momentu crucial nel que, ensin un gobiernu con capacidá de xestión y d'enfrentase a Madrid, puede terminar en "la gran nube final" que barre la industria y la economía asturiana.

La sangría demográfica, la descarbonización exprés, el tarifáu eléctricu o la falta de respuestes de PSOE y PP a les necesidaes reales d'Asturies, marcaron los finxos d'un guión políticu nel que se refuga un peligru real d'entornu escontra la derecha o la ultraderecha. Otra manera, afirmó Ángela Vallina, bien aplaudida en delles ocasiones a lo llargo del mitin, lo que se ta xugando ye si'l próximu Gobiernu d'Asturies xira a la derecha o “destiñe” a naranxa. La candidata a la presidencia tiró de l'alcordanza de la mochila”, tou un bagaxe de persones y conquistes sociales de les que, dixo, “tenemos de sentinos arguyosos”. Y ye que, enfatizó la cabeza de llista d'Asturies pola Izquierda, meyores como'l Salariu Social, les polítiques empobinaes a la mayoría en vivienda, servicios a la ciudadanía y en derechos namái foi posible gracies a IX na Xunta Xeneral del Principáu y nos Gobiernos. El PSOE, aseguró, nun regaló nada, “tuvimos qu'arrincalo”.

Ángela Vallina reprochó al restu de partíos la so falta d'honestidá para cola ciudadanía, a la que nin siquier tan dispuestos a confesa-y los sos proyectos de cara a los próximos años. Asina, la candidata recordó qu'a namái cinco díes del fin de la campaña, namá IX y Ps presentaren los sos programes por que pudieren ser conocíos polos votantes. Frente a ello, refartó, los partíos nun faen ufierta programática sinón qu'escurren por una campaña de “escurrimientos”. La postrera, la del inda presidente Javier Fernández, que, esplicó, agora diz que va pidir que se baxe l'acelerador na descarbonización. “A quién lo va pidir”, ironizó, p’añedir que fuera precisamente'l Gobiernu socialista de Pedro Sánchez quien encurtió los plazos qu'ufiertaba la Unión Europea. Ello ye que añedió, España, como'l restu de países europeos, tenía de plazu hasta 2050, un horizonte que tendría d'habese aprovechao pa llograr un cambéu de modelu enerxéticu y granible que garantizara una transición xusta y non traumática p’Asturies y el so sector industrial.

Pero esa transición progresivo y xusto ye precisamente lo que nun se fixo por unos gobiernos Socialistes que, ironizó, "quixeron ser los primeros de la clase a mariña del futuru d'Asturies, pero nun fixeron los deberes na UE. Para faer la transición hai fondos, hai una plataforma de rexones con miles de millones. Nun fueron capaces de presentar los proyectos pa recibir esi dineru y empezar a faer la transición".

Asturies ta nuna situación crítica, poles polítiques tantu del PP y del PSOE, pero inda se ta a tiempu, afirmó Ángela Vallina. “Asturies tien futuru”, aseguró la candidata, que pidió la máxima participación y votu a una fuerza que yá demostró que sabe Gobernar, nos Conceyos y tamién nel Executivu d'Asturies.

Na so intervención, la candidata reivindicó la necesidá de polítiques actives qu'avancen na igualdá, nos derechos de la xente y, ente ellos, tamién, nel derechu de cualquier asturianu o asturiana pa falar na so propia llingua, na “Llingua” que la so oficialidá, resaltó, va tar tamién ente les prioridaes pa los próximos cuatro años.

Pal mundu rural, Ángela Vallina señaló que yera indispensable aprovechar la oportunidaes que se abrir col cambéu de la Política Agraria Común (PAC), que, tres décades favoreciendo'l latifundismo y les esplotaciones industrializaes, paez agora entornada en llograr esplotaciones más pequenes, familiares, tanto por cuestiones medioambientales como de ventayes comparatives al traviés de la fixación de población y de distribución por aciu canales curties”.

Alberto Garzón, pela so parte, recordó que, frente a lo que traten de treslladar les dereches, lo que se ta xugando nestos momentos ye'l modelu de país. El coordinador federal citó al hestóricu líder Marcelino Camacho pa recordar que “los derechos nun cayeron del cielu, conquistaronse, polo que llamó a movilizase como única vía pa torgar que les conquistes puedan desaniciase.

Garzón parafrasió al multimillonariu Warren Buffett pa sollertar de cómo'l capital asítiase y controla les instituciones. Hai una guerra de clases, y tar ganáu los ricos, porque los ricos, enfatizó el coordinador Federal, saben de qué va esto. Asina, el diputáu per Málaga esplicó que la máxima movilización de la xente más acomodao, frente a colectivos más desfavorecidos, fai qu'entren nes urnes más los sos votos que los de la mayoría social.

Nel actu central d'Asturies pola Izquierda cuntó tamién cola participación de Faustino Zapico, númberu 6 na llista a la Xunta Xeneral del Principáu y secretariu xeneral d'Izquierda Asturiana (IAS). Nuna alocución n'asturianu, Zapico aseguró que lo qu'Asturies precisa nun son nin reines nin princeses “asturianes”, sinón alcaldes y alcaldeses, diputaos y diputaes republicanos que gobiernen pa tola ciudadanía. El candidatu denunció amás como los fondos de cohesión que llegaron a Asturies, llueñe de favorecer el desenvolvimientu económico y social, centráronse, sicasí, na creación de redes clientelares pa ganar elecciones”.

Y de les intervenciones xenerales, cola vista puesta nel Gobiernu d'Asturies, l'actu xiró a lo local, con Ana Castaño y el candidatu de Xixón pola Izquierda, Aurelio Martín, que cerró'l mitin.

Castaño reprochó que la derecha va dexar el gobiernu municipal de gijón con un “pufu” de más de 70 millones d'euros, y más de 20.000 paraos a los que foi incapaz de dar respuestes. “En Xixón queremos trabayar por que los más de 20.000 paraos atopen solución, por que los mozos nun se vaigan de la ciiudad, pa un Xixón feminista”.

Pela so parte, Aurelio Martín refugó les encuestes agoreres y recordó que dende fai enforma los estudios demoscópicos ufiertaben unes resultancies que, finalmente, yeren cuestionaos nes urnes. Por eso, amosóse convencíu de que Xixón pola Izquierda va tener unes bones resultancies municipales el 26 de mayu. Pa llogralo, el candidatu a l'Alcaldía aludió al bon trabayu desenvueltu pola formación nos postreros cuatro años y, tamién, a un programa ambiciosu y realista qu'ufierta respuestes a les auténtiques necesidaes del conceyu.

Volver

Compartir

2014 Izquierda Xunida d'Asturies - Política de privacidad - Política de cookies