Menu

Ovidio Zapico treslládase güei a Llixu del Marqués par recibir güei a los trabayadores nel fin d'etapa de la Marcha pol Aluminiu

El diputáu d’IX Asturies, Ovidio Zapico, esixó güei al Gobiernu Central a forzar a Alcoa a incorporar de nuevu al inversor alemán al procesu de vienta de la empresa, y a que quien pretenda faese col control de la compañía presente un plan industrial que garantice'l futuru de l'actividá y el caltenimientu del emplegu y, a lo último, el respaldu de la plantiya. “La decisión final tien que cuntar col vistu bonu de la plantiya. Nestos momentos la situación de Alcoa ta algamando'l puntu yá definitivu, que tolo que podamos arimar el costazu nesta dirección va ser necesario, que los trabayadores precisen del aliendu del conxuntu de la sociedá asturiano, qu'a lo menos el d'IX tienenlu, y que precisen tamién estos planteamientos políticos que faigan posible esa vienta que garantice la estabilidá, el futuru, en definitiva que garantice l'actividá y el trabayu na factoría d'Avilés”.

El parllamentariu realizó estes declaraciones poco primero de salir escontra Llixu del Marqués don güei va tener el fin d'etapa una de les xornaes de la Marcha pol Aluminiu” que protagonicen los trabayadores d’ALCOA para llevar a Madrid les sos demandes. Zapico, al pie d’otros miembros orgánicos d’IX Asturies, muévese güei hasta la localidá vallisoletana para recibir a el trabayadores nel final d'etapa de la Marcha pol Aluminiu. L'oxetivu, treslladar el sofitu y la solidaridá d'IX a les reivindicaciones del colectivu.