Menu

Ovidio Zapico defende esta vía pa la reinserción llaboral de persones especialmente perceptores del salariu social, garantizando la so torna si fuera necesariu, y con un salariu cimeru al mínimu interprofesional

Izquierda Xunida reclamó güei convertir el problema de la llucha contra les especies alóctones nuna oportunidá. El diputáu Ovidio Zapico realizó esti planteamientu nel Plenu de la Xunta, na entruga que formuló sobro les posibilidaes de crear “emplegu verde social” venceyáu a programes d’erradicación de plantes invasores. El parllamentariu recordó que n'Asturies un 20,9 per cientu de la población ta en riesgu de probeza y esclusión social pa la que ye indispensable buscar alternatives pa la so reincorporación al mundu llaboral.

Nesti sentíu, Zapico apostó por desenvolver un programa nel marcu del “New Green Deal” que, esplicó, tendría de depender de l'Alministración del Principáu, al traviés d'una estructura autónoma que bien podría ser el SERPA.

Sía que non, el diputáu señaló que tendría d'empobinase de forma preferente a perceptores del salariu social, eso sí, con garantía de torna al mesmu en casu necesariu. Amás, aprofió qu'esta iniciativa tien de cuntar con una retribuición salarial digna, superior al salariu mínimu interprofesional.

La propuesta d'IX pasaría pola negociación del programa nel marcu de la concentración social.