Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

03/03/2020

IX pidi al Gobiernu que declare emerxencia climática n'Asturies

El diputáu Ovidio Zapico propón 6 midíes concretes pa desaniciar los efectos del cambéu climáticu qu'inclúin potenciar la llucha contra'l fueu y los sos efectos y planificación en riberes fluviales y zones costeres

 

El diputáu Ovidio Zapico propón 6 midíes concretes pa desaniciar los efectos del cambéu climáticu qu'inclúin potenciar la llucha contra'l fueu y los sos efectos y planificación en riberes fluviales y zones costeres

Izquierda Xunida d'Asturies pidió güei al Gobiernu d'Asturies que declare la emerxencia climática pa poder lluchar contra los efectos del calentamientu global. El diputáu y coordinador xeneral de la formación, Ovidio Zapico, propunxo nel Plenu de la Xunta Xeneral del Principáu 6 midíes concretes coles mires de desaniciar o siquier desaniciar los riesgos que se abren pola xubida de les temperatura, por aciu la potenciación de la llucha contra les quemes, la recuperación de montes d'utilidá pública afectaos polos mesmos, la planificación urbanística nes riberes fluviales; la llimpieza y caltenimientu añal de los calces de los ríos, la planificación territorial na mariña énte la medría del nivel del mar y un Conveniu cola Universidá d'Uviéu p'aprovechar la conocencia científica yá esistente y el que pueda xenerase.

Izquierda Xunida llevó güei a la Cámara Asturiana xuna interpelación por que'l Conseyu de Gobiernu esplique les midíes que preve pa la prevención del cambéu climáticu.

La medría de les temperatures, esplicó Ovidio Zapico, va tener consecuencies como l'aumentu de les quemes, lo qu'esixe, al so xuiciu, amontar les dotaciones pero, sobremanera, poner midíes preventives. “Si dicimos que va haber cada vez más quemes forestales y estos van ser más bederres, paez necesariu, de primeres, potenciar los sistemes de llucha contra los mesmos”.

De la mesma, una vegada producíu'l fueu, ye imprescindible dar respuesta a les sos consecuencies con planes pa, abondó'l diputáu d'IX, “refaer los suelos de monte d'utilidá pública”. Pa ello, Zapico considera que tien d'aprovechase'l compost producíu pol Consorciu pa la Xestión de les Borrafes Sólides d'Asturies (COGERSA)

Al respective de los ríos, Izquierda Xunida considera necesario la planificación urbanística nes riberes p'amenorgar los riesgos polos hinchentes. Pa Zapico, fai falta un “llabor preventivu” pa evitar que pueda construyise en zones susceptibles de vese afectáu poles crecíes.

Al pie de ello, IX pidió'l caltenimientu y llimpieza añal de los calces con “abondos recursos” pa poder asumir esos trabayos cada añu.

P’ameyorar les posibilidaes de prever los efectos del cambéu climáticu, el diputáu reclamó que s'aproveche la conocencia científica” por aciu un conveniu cola Universidá d'Uviéu, nel que se piense nel Campus de Mieres como una pieza “bien importante” que dexe “poner en valor” estes instalaciones.

Na so intervención, Ovidio Zapico recordó al vicepresidente Juan Cofiñu que fai namá xunas selmanes aldericaren sobre'l suministru d'agua potable en períodos de seca porque, aportunó, "precisamos regular la distribución de l'agua para'l consumu (humanu) y para la industria".

Volver

Compartir

2014 Izquierda Xunida d'Asturies - Política de privacidad - Política de cookies