Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

04/03/2020

IX pidi más llimitaciones a les cases de xuegu y una distancia mínima de 500 metros a cualquier centru educativu

Ángela Vallina defende la necesidá d'esixir que los locales tengan serviciu d'almisión y horarios qu'enzanquen l'accesu a menores

Izquierda Xunida pidió güei al Gobiernu d'Asturies que ponga nueves midíes pa lluchar contra les ludopatíes apareyaes a la medría de los locales d'apuestes, prohibiendo l'apertura d'esti tipu d'establecimientos a un mínimu de 500 metros de centros educativos o d'atención a menores. La vocera de la formación na Xunta Xeneral del Principáu, Ángela Vallina, aprovechó la entruga al presidente nel Plenu de la Cámara asturiana pa recordar que les amiestes al xuegu afecten cada vez a xente más nuevo ya inclusive a menores, incidiendo, amás a les capes sociales más desfavorecidas. Ye la “nueva heroína”, dixo usando la terminoloxía de les asociaciones de persones afectaes, polo qu'apostó por unos horarios d'apertura en que la presencia de menores nun seya habitual, y la obligatoriedá de que los locales cunten con serviciu d'almisión que pueda detectar la so presencia de menores pa torgala.

Pa los locales que pudieren tar abiertos con anterioridá a esta normativa, Vallina reclamó que nun s'anueven les llicencies al expirar les concesiones.

Vallina reconoció que n'Asturies la intensidá del problema ye inferior a la d'otres zones d'España anque, esplicó, “la nuesa comunidá nun ye una esceición tocantes a la estensión d'esi enclín d'invasión creciente. Y hai que dicilo con toles palabres: siendo verdá qu'esti ye problema históricu y recurrente -nun podemos resalvar les tragaperres como les causantes de graves problemes de adición al xuegu de families bien modestes- tamién ye cierto que les nueves formes d'apuestes, sobremanera les deportives, on line, tantu les que se xueguen dende casa como les presenciales, ye dicir les que se xueguen en locales específicamente habilitaos pa tal fin, suponen un caldu de cultivu pa la crecedera de la adición al xuegu ente les persones más nueves”.

Esiste una estratexa empresarial clara que, sollertó la diputada, executase ensin xarramicar” cola fin d'abrir mercáu. “De primeres, por aciu un abondosu y agresivu esplegu publicitariu y de patrociniu de los nuevos apuestes de xuegu, sobremanera, anque non solo, en programes de retrasmisiones deportives n'horarios de máxima audiencia y con un enorme impactu. De segundes, por aciu l'apertura de decenes, si falamos n'Asturies, miles si falamos del conxuntu d'España, de nuevos locales d'apuestes”.

“Nun podemos dexanos primir nin pol supuestu impactu económicu nes midíes de llimitación de l'actividá, nin amilanarnos polos intereses qu'hai detrás”, defendió Ángela Vallina, quien recordó que la sociedá nun diera marcha tras a pesar de los intereses de les tabaqueres cuando s'empezaron a poner en marcha les midíes p'amenorgar el so consumu con alces de preciu y prohibiciones d'espacios.

A xuiciu d'IX, ye un problema de Salú: “en 2018, 94 families taben n'ayuda n'Asturies. Antes de rematar el 2019 yá son 174 y xubiendo. Nun tenemos los datos finales a avientu del 19. Poro, tomemos en serio esti grave problema”.

Volver

Compartir

2014 Izquierda Xunida d'Asturies - Política de privacidad - Política de cookies