Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX considera que l'estáu d'alarma puede ser una bona ferramienta énte'l coronavirus

Ángela Vallina pide la máxima collaboración y disciplina ciudadana p'amenorgar al máximu les consecuencies

IX sofita l'anunciu del Gobiernu Central de decretar l'Estáu d'Alarma como una bona ferramienta pa dar respuesta a los retos que supón la espansión de la población infectada pol coronavirus y, sobremanera, p'amenorgar al máximu posible nueves consecuencies. La vocera d'IX na Xunta Xeneral del Principáu, Ángela Vallina, esplicó güei, a entrugues de dellos medios de comunicación, que la midida quiciabes tendría de adoptase antes, magar, añedió, ye una bona noticia de cara a cuntar con mayor capacidá pa lluchar contra la pandemia. "Nuna situación como la que tamos viviendo ye de sentíu común, y amás crease asina, que ye una bona decisión decretar l'estáu y alarma. Precisamos qu'haya una cooperación al máximu y una disciplina per parte de tol mundu: toos tenemos que ser conscientes de qu'esto ye una circunstancia bien especial y amás estraordinaria".

La crisis xenerada pol COVID-19 pon de manifiestu, señaló Vallina, la importancia de cuntar con un sistema sanitariu fuerte. "Tenemos que faer una gran reflexón per parte de tola población de lo importante que ye'l nuesu sistema sanitariu, que ye una xoya, que toa Europa y tol mundu envidia nesti momentu y, gracies a ello, vamos poder superar toa esta epidemia". Según la vocera, ye nesti tipu de situaciones cuando toca tomar concencia sobre l'impactu de los retayos, especialmente naquelles comunidaes qu'aplicaron con mayor intensidá les polítiques de la derecha, como Madrid. "Espero que tola población dea cuenta de la importancia del nuesu sistema sanitariu. Ende ye onde nunca se deben de faer retayos".

Volver

Compartir

2014 Izquierda Xunida d'Asturies - Política de privacidad - Política de cookies