Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX sofita la movilización de recursos anunciada pol Gobiernu Central y va sofitar al d'Asturies pa minorar los efectos de la crisis sanitaria

Ángela Vallina apuesta pola unidá pa dar respuesta a los retos del coronavirus que van riquir unos "presupuestos de guerra"

Izquierda Xunida amosó güei so respaldu a los Gobiernos d'Asturies y España nes midíes de movilización de recursos p’apangar los efectos social y económicu provocaos pol estáu d'alerta pa frenar el COVID-19. La vocera d'IX na Xunta Xeneral del Principáu, Ángela Vallina, aseguró qu'esta inyección económica" demuestra que ye l'Estáu quien plania la economía pa evitar so esbarrumbe. Sía que non, la responsabilidá, enfatizó la diputada, tarrez de ser compartida: "tenemos qu'esixir tamién a Europa que faiga política. Y eso significa, nesti momentu, movilizar recursos pa rescatar sobremanera a les persones y tamién a la economía".

Ángela Vallina fixo un llamamientu a la unidá que, al so xuiciu, ye imprescindible. "Ende va demostrase la talla política de los nuesos líderes".

La primer demostración d'esa unidá, señaló la parllamentaria, podrá testase nos próximos presupuestos que, aprofió, tienen de calificase de "guerra contra la enfermedá y contra la probeza".

La vocera d'IX reclamó l'esfuerzu de toles instituciones en tolos ámbitos: "europees, estatales, autonómiques y tamién locales. Ente toos tenemos que faer un esfuerzu enorme y, en concencia, el Gobiernu d'Asturies va tener el nuesu sofitu pa dar respuesta a esti retu y a esta situación. Ente toos y ente toes vamos consiguilo”.

Pa IX, ye imprescindible entainar el Salariu Social como una ferramienta básico p'amenorgar los efectos d'esta crisis sanitaria al evitar les formes más severes de probeza y esclusión.

Volver

Compartir

2014 Izquierda Xunida d'Asturies - Política de privacidad - Política de cookies