Ángela Vallina pide que s'estremen al máximu les midíes de seguridá ente'l personal d'atención a población de riesgu
La Xunta de Voceres alcordó güei por unanimidá la creación d'un grupu de siguimientu del coroavirus nel que van participar miembros del Gobiernu y representantes de los grupos políticos.
La vocera d'IX na Xunta Xeneral del Principáu, Ángela Vallina, manifestó'l so prestu pola creación d'esti grupu que, al so xuiciu, ye necesariu como un mecanismu pal treslláu d'información. El grupu, añedió, "ye indispensable pa dexar tomar decisiones".
La fecha d'entrada en funcionamientu d'esti grupu inda nun ta definida anque, matizó Vallina, "esperamos qu'empiece a funcionar cuanto antes, tanto p'aprovir de los datos qu'en cada momentu se disponga como pa cuntar con un rexistru temporal de la situación".
Per otru llau, na comparecencia de la Conseyera de Derechos Sociales y Bienestar, Melania Álvarez, diósenos cuenta de les midíes que yá tán en marcha. Dende Izquierda Xunida aportunemos na necesidá d'estremar al máximu les midíes de seguridá ente'l personal d'atención directa a grupos de riesgu, como persones mayores y persones con necesidaes especiales y tamién reclamemos que se realicen test pa detectar si ente trabayadores pudiéronse producir contaxos.
Caltenemos el nuesu compromisu d'unidá y esperamos que toles fuerces contribuyan fortaleciendo una acción común. "Tenemos que tar toos a una", concluyó la vocera d’IX Asturies.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies