Ángela Vallina sollerta d'un amenorgamientu de la protección pa les clases más desfavorecíes al encarecer los procedimientos y critica que nun sirva pa resolver l'atascu” d'esti tiempu nos xulgaos.
Izquierda Xunida d'Asturies refuga les midíes del Conseyu Xeneral del Poder Xudicial para normalizar la xusticia. La propuesta, dada a conocer va escases selmanes, a pesar de la so denominación, nun respuende sicasí a la urxencia que se pretende y entá menos a los retos provocaos pola paralización del sistema pola crisis del coronavirus. La vocera d'IX na Xunta Xeneral del Principáu, Ángela Vallina aseguró güei qu'estes propuestes suponen una "reforma tapada" que nun va sirvir pa reactivar la xusticia y que, otra manera, va ser inda más inaccesible pa les capes más desfavorecíes.
"Les propuestes del Conseyu Xeneral del Poder Xudicial fueron bien contestaes dende dientro del sistema xudicial, por abogacía, fiscales, procuradores, pero tamién por xueces y maxistraos. Y tien lóxica porque nun dexa de ser una reforma tapada, aprovechando la crisis del COVID-19 pero ensin atender, en realidá, a les necesidaes xeneraes pola pandemia. IU Asturies va ser combativa porque dalgunes de les midíes que se contemplen, como la multa de 3.000 euros al perdedor d'un procesu o la medría de les cuantíes para recurrir, podríen frayar el derechu fundamental a tutelar xudicial y, claramente, suponen un ataque a les persones económicamente más débiles", aseguró Vallina.
Frente a la reforma propuesta, la diputada reclamó que, tantu'l Conseyu Xeneral del Poder Xudicial, como la Conseyería de Xusticia d'Asturies, pongan en marcha mecanismos pa percanciar y actualizar, siquier mensualmente, l'impactu que sobro los procedimientos supunxo la suspensión de los plazos procesales, teniendo en cuenta los partíos xudiciales y los órganos de cada orde xurisdiccional.
“Creemos que ye imprescindible tener información precisa sobro procedimientos en cursu, plazu envaloráu previu de resolvimientu, nuevos plazos previstos, nuevos procedimientos una vegada llevántese la suspensión y xuna comparativa d'esti númberu col equivalente al tiempu en que duró l'atascu de la xusticia", esplicó.
Pa IX, ye imprescindible identificar los supuestos más perentorios, como los relativos a violencies de xéneru en tolos ordes; pleitos qu'arreyen a menores; pleitos llaborales venceyaos coles midíes adoptaes pol estáu d'alarma; y pleitos venceyaos con situaciones personales de la ciudadanía que careciera'l COVID19, como heriedos, divisiones, etc. Esti últimu grupu ye necesariu pa dar testimoniu y agradecimientu de les persones que sufrieron la enfermedá.
En cuanto al impactu yá xeneráu pola suspensión de los plazos procesales pola paralización del serviciu públicu de l'Alministración de Xusticia, tien de partir del respetu escrupulosu a dereches fundamental a tutelar xudicial efectiva. Nesti sentíu, añedió Vallina, "la solución nun puede articulase por aciu la relaxación d'esos trámites procesales, nin de les garantíes a les partes. Aceptar esta vía sería xuna salida bien poco rigorosa y qu'afectaría a esi respetu a dereches a tutelar xudicial efectiva. L'alternativa ye apurrir suficientes medios por que'l sistema xudicial pueda actuar con eficiencia y con dilixencia".
L'estáu d'alarma xeneró tamién otros efectos paralelos en Comunidaes como Asturies, onde se suspendieron les visites de el proxenitores non custodios a los sos fíos y fíes. "Quitóse mientres tou esi tiempu a los menores de les posibilidá del contactu que tienen reconocíu por sentencia tanto los sos proxenitores (non custodios), como tamién los los derechos de los sos güelos y güeles. En munchos casos, tratase de situaciones difíciles y xudicializaes que nun se resolverán nunca de forma amistosa. Nesos caos, tien qu'impulsase xuna orientación para encauzar la situación y desquitar a quien nun pudieron esfrutar de les visites y la convivencia colos sos familiares. Hai que recuperar esi tiempu perdíu, plantegando calendarios pa poder recuperar esos díes que-yos correspondería en circunstancies normales. Creemos que nun puede dexase al albur de cada xulgáu sinón que ye necesariu adoptar midíes normalizaes que, amás, entainaríen abondo los procedimientos”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies