Menu

Ovidio Zapico cree que l'allegría del Executivu sobro la cifra final que va venir a Asturies solo pue entendese si hai garantía de que les cuentes queden equilibraes calteniendo inversiones previstes

IX va pidir una xunta urxente a la FSA y al Gobiernu d'Asturies p'analizar la execución de los presupuestos d'Asturies. Amás, la formación encamienta al Executivu a retomar la execución presupuestaria ensin dilaciones calteniendo, el gruesu de les inversiones previstes, dau’l prestu amosáu pol Executivu rexonal no tocante a la repartida del Fondu Estatal non Reembolsable y que, según Ovidio Zapico, solo puede entendese si esi ingresu garantiza que les cuentes públiques autonómiques tán permediaes. La conformidá del Principáu nun ye sicasí compartida pola formación que considera la cifra final anunciada insuficiente. "En cuanto paez que'l Gobiernu d'Adrián Barbón ta por demás contentu con esta repartida, entiendo que quiera dicir que les cuentes públiques asturianes tán permediaes y que, poro, los presupuestos rexonales nun precisen nengún tipu de cambéu de lo que tenemos alcordao nos presupuestos que s'aprobaron equí n'avientu.

Los fondos, aprofió Zapico, nun tán siendo xustos con Asturies y la cantidá y la manera de distribución que finalmente s'anunció nun cumplen colo que s'alcordó, a iniciativa d'IX col sofitu de tolos grupos parlamentarios, sacante VOX nos criterios de la repartida: "siguimos pensando que tán primando a otres Comunidaes Autónomes, como Madrid o como Cataluña", aprofió Zapico.quien recordó que fue precisamente nesos territorios onde menos acoricáronse los servicios públicos como'l de Salú, onde más retayos practicaron y onde s'aplicaron polítiques fiscales "claramente elusives".

Ovidio Zapico y Ángela Vallina axuntáronse esta mañana de forma telemática colos de la formación coles mires d'analizar esta cuestión y otres d'especial incidencia na actividá municipal, como la situación de los Centros de Salú y les inversiones pindies del Principáu pa 2020. La llicitación tien de ser agora priorizada pa tratar de cumplir los presupuestos pero tamién, añedió Zapico, porque supon "inversión, trabayu a última hora, mover la economía".

Na xunta colos rexidores encetóse tamién la situación de los Centros de Salú, que'l so caltenimientu en "mínimos" ye un motivu de discrepancia col executivu d'Adrián Barbón, por culpa de que dende IX faise apueste pola so reactivación inmediata ente que dende Salú plantégase una apertura que nun va ser total hasta setiembre.