El diputáu refuga esa fórmula y cree que pa llograr un financiamientu abondu de lo público ye necesario encetar l'harmonización fiscal y llograr una mayor progresividá por que pague "más quien más tien"
El diputáu y coordinador xeneral d'IX Asturies, Ovidio Zapico, refugó güei les propuestes p'aplicar peaxes indiscriminaos nes calzaes españoles y asturianes. "Estos globos sonda que tamos conociendo estos díes sobro una especie de collaboración ciudadana na cofinanciación d'infraestructures públiques, necesaries, indispensables pa la comunicación diaria, pal comerciu, la industria, hasta les nueses mesmes actividaes lexítimes y necesaries tamién d'ociu, yo creo que son, a cencielles, inaceptables".
Pal parllamentariu, dende una conciencia "social y progresista", non puede asumise esi modelu impositivos que, criticó, "gravan por igual, que nun busquen una diferenciación progresiva que ye lo qu'una fuerza político como IX siempres defendió".
Ovidio Zapico aprofió que tanto nel conxuntu del Estáu como nel ámbitu de la Comunidá Autonóma hai otres cuestiones muncho más importantes que tendríen d'encetase si quier ameyorase el financiamientu públicu, como l'harmonización d'impuestos. "Dir a la reforma fiscal progresiva que dexe financiar estos servicios públicu, o estes infraestructura públiques, como ye nesti casu, que son necesaries, pero siempres dende la progresividad: que pague más quien más tien".
El coordinador xeneral d'IX llamentó que s'embaraxe, siquier, esta fórmula que, al so xuiciu, "siempres perxudica a los mesmos, siempres perxudica a los más vulnerables, siempres perxudica, en definitiva a la clase trabayadora".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies