Menu

Ovidio Zapico asegura que la movilización da "fuerza" de cara a la negociación presupuestaria, na que la formación defende más recursos pa la primer llínea d'atención del sistema públicu de salú

El coordinador xeneral d'IX, Ovidio Zapico, sumóse esta tarde, al pie d’otros cargos de la formación, na manifestación en defensa de l'Atención Primaria, La protesta llega de resultes de les faltes de personal y recursos na que ye la primer llínea d'atención del sistema públicu de salú. "Ye importante qu'esta movilización de güei dea fuerza tamién de cara a la negociación presupuestaria porque yo creo que ye nos presupuestos onde podemos consiguir un marcu con unos númberos afayadizos de mano a revertir esta situación"

La pandemia punxo de manifiestu dalgunes de les faltes del sistema sanitariu. Por eso, enfatizó Zapico, "ye bien importante que la ciudadanía asturiana tome conciencia de la importancia de l'Atención Primaria, de la importancia de tener un sistema sanitariu públicu, qu'agora mesmu nun pasa polos sos meyores momentos y que ta bien qu'empecemos a movilizanos, tamién, na cai, en defensa de l'Atención Primaria, en defensa de Xarrio la selmana pasada, en definitiva en defensa d'un sistema sanitariu públicu calidable".

La movilización, sol lema "L'Atención Primaria entra en parada", fuera convocada por distintes organizaciones cíviques y vecinales.