Menu

Ángela Vallina y Ovidio Zapico piden flexibilidá a toles partes, al igual qu'IX dexa en reivindicaciones históriques como la reforma de la llei electoral

Por que una negociación lo sía, toles partes tienen de ser flexibles. Izquierda xunida d’Asturies yelo dende'l principiu, ensin plantegar condicionantes y aceptando les propuestes del restu de fuerces que dicen apostar pola oficialidá, siempres qu'estes percancien l'alcuerdu de toles partes.

L'oxetivu d'esti planteamientu yera esaniciar elementos de confrontación pa llograr un alcuerdu que dexe aprobar na Xunta Xeneral del Principáu la reforma y llegar a tiempu al Congresu de los Diputaos, de cuenta que la votación y aprobación final algamárase esta mesma llexislatura n'Asturies y en Madrid.

La única llínea colorada pa IX foi nun plantegar la negociación como un atayu pa una reforma fiscal empobinada a esaniciar impuestos como'l de sucesiones. Sí almiten cambeos nesa materia de cara a una mayor progresividá.

La postura d'IX foi arrogante col restu de partíos, arrenunciando a una de les reivindicaciones históriques como ye la reforma de la Llei Electoral qu'estrema Asturies en trés circunscripciones, ensin efectos prácticos pa los territorios de les "nales" de la Comuniudá, pero con graves consecuencies negatives pa IX y otres fuerces non mayoritaries, que ven amenorgada la so representación.

Nos documentos que pueden consultase nesta mesma información, incluímos los planteamientos que nel so momentu treslladó Foro Asturies a la dirección d'Izquierda Xunida la respuesta d'IX, roblada al más altu nivel pola vocera parlamentaria, Ángela Vallina, y el coordinador xeneral, Ovidio Zapico, aceptando'l 75% d'eses propuestes.