En clave autonómica, el pactu inscribise en Convocatoria per Asturies que nes próximes selmanes va decidir sobro les candidatures a les circunscripciones oriental y occidental
Día tres día, esplicaba'l diputáu y coordinador xeneral d'IX, "va habiendo incorporaciones. Tenemos yá Convocatoria, xuntu con Izquierda Xunida, Más País, Izquierda Asturiana; tenemos a Pueblu. Llegaron tamién independientes, dalgunos bien reconocíos, como pueda ser n'Uviéu Gaspar Llamazares, y yo creo que, mientres los próximos 15 díes, vamos siguir asistiendo a incorporaciones a fortalecer esti procesu".
Les previsiones pa cerrar la propuesta definitiva de cara a les autonómiques y a les municipales, avanzó Zapico, asítiense en redol a los primeros díes d'abril. "Toi bien satisfechu de cómo se ta desenvolviendo y, no concreto, dicir antes a Richard (Ricardo Canga), bien contentu de qu'una candidatura municipalista como Pueblu, que lleva yá 8 años d'un trabayu ininterrumpíu, equí, en Ribesella, pueda apurrir", dexó afitao’l dirixente d'IX, pa quién esti alcuerdu tien implicaciones nel conceyu pero tamién dende la perspectiva autonómica na candidatura del Oriente.
En cuanto al paragües definitivu que se lleve a la papeleta, entá o ta por completu zarráu. Ello ye que esplicó Ovidio Zapico, ta inda "por definir xurídicamente , pero la idea ye que tol mundu que tea en Convocatoria vease reflexáu, atópese cómodu, na visualización de la imaxe y que convocatoria sía esi armazón que nos sume a tolos que formamos parte d'ella".
Pa Ricardo Canga, de Pueblu, la denominación definitiva ye lo de menos: "el nome ye lo menos importante de too. Nós vamos siguir siendo Pueblu, la candidatura va ser la que Pueblu presentó, colo cual nun hai nengún cambéu nesi sentíu y vamos siguir el mesmu trabayu que llevamos faciendo estos ocho años".
Y ye que, recordaba'l dirixente de Pueblu, cuando esta iniciativa empezó a andar yá nacía más esmolecida polos oxetivos y los delidiaos que polos continentes. Asina, añedió, "equí pásanos esactamente lo mesmo".
Candidatura pa la circunscripción oriental y occidental
Nel planu autonómicu, el coordinador xeneral d'IX esclarió qu'inda non se decidió quien va encabezar la llista na circunscripción oriental d'Asturies. Igual asocede nel occidente. Sía que non, va ser nes próximes selmanes, cuando'l procesu de "Convocatoria" remate cuando se presenten les dos candidatures.
L'actu formal de firma d'esti pactu celebróse esta mañana na Casa de Cultura de Ribesella, onde'l secretariu d'organización d’IX Asturies, Maximino García, xuntu a Ricardo Canga, de Pueblu, suscribieron l'alcuerdu que se detalla de siguío:Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies