Menu

El coordinador xeneral d'IX y cabeza de llista de Convocatoria por Asturies destaca la crecedera de la propuesta tantu nel Parlamentu Asturianu como nel ámbitu municipal.

Ovidio Zapico manifestó güei, na valoración tres l'escrutiniu electoral, la voluntá de “dar estabilidá”, “tresformar” y “camudar” Asturies del que va ser el so futuru grupu parlamentariu. “Somos la única izquierda que crez”, resumió güei el coordinador xeneral d'IX y candidatu de Convocatoria por Asturies a la Presidencia del Principáu.

“Fuimos la única candidatura de la izquierda que salió reforzada al respective de les elecciones de 2019, que se consolida, poro, un modelu d'izquierda y o que, como yá dixéramos en munches ocasiones mientres los últimos meses, equí, nesta candidatura tán los cimientos , n'Asturies, pal proyectu de Sumar”.

La fola de la derecha, señaló Zapico, tamién tuvo los sos efectos n'Asturies. Sicasí, matizó, “caltenemos unes bones resultancies municipales y queremos escuchar a Adrián Barbón, que ye quien tien la responsabilidá: tiennos que dicir que modelu tien p’Asturies, pal futuru d'Asturies. El nuesu ye bien claro, dicir munches vegaes mientres, tamién, estes selmanes: el nuesu modelu ye la estabilidá, ye'l cambéu y ye’l tresformamientu”.

Tocantes a les resultancies, Zapico treslladó la so felicitación a Adrián Barbón como ganador de les elecciones, pero tamién s'amosó satisfechu de la meyora rexistrada al respective de 2019, tantu nel ámbitu autonómicu como municipal. Nos conceyos, el líder de Convocatoria por Asturies, quixo destacar la medría de conceyales y de capacidá de representación. “Ye verdá qu'hai dalgún cambéu, que posiblemente vamos perder dalguna alcaldía y vamos ganar otres como pueda ser Carreño, como pueda ser Llangréu. Lo que sí creo ye que, dempués del 17 de xunu, va haber más ciudadanos y ciudadanes, asturianos y asturianes, gobernaos por IX Convocatoria por Asturies esta llexislatura que la que güei termina. Y, nel númberu de conceyales, vamos superar el centenar, tamién, entiendo que folgosa”.

IX Convocatoria per Uvieu, vuelve con fuerza al Conceyu

IX Convocatoria per Uvieu torna al Conceyu de la capital asturiana, tres cuatro años de paréntesis que terminen agora cola entrada de Gaspar Llamazares, Cristina Ponton y Alejandro Suárez. El candidatu destacó, tres l'escrutiniu, la fortaleza d'una propuesta que llega con vocación de diálogu pa dar respuestes a les necesidaes de la ciudadania. L'oxetivu, señaló, ye “desbloquiar los grandes temes qu'afecten a la ciudadanía invéntense: lo que tien que ver col urbanismu, lo que tien que ver colos derechos sociales, tamién col mediu ambiente. Por tanto, vamos defender la ciudá que, nestos momentos, precisa un fondu conteníu social; y vamos abrir la ciudá al restu d'Asturies. Esi ye'l nuesu oxetivu, por aciu el diálogu, la negociación y l'alcuerdu“.

Al respective de los trés conceyales, Llamazares reconoció que nin nos sos “suaños más favorables” podía imaxinar que diba llograr una representación tan fuerte. “Pensaba que díbamos entrar, que díbamos tar nel Conceyu d'Uviéu porque ye un casu de xusticia poética, podemos dicir, pero nun pensaba que pudiéramos llegar a tener trés conceyales y que, con ellos, tamién podamos dialogar, decidir y desbloquiar el Conceyu d'Uviéu”.