Menu

La directora xeneral de Consumu, Begoña Collada, asistió a les actividaes promovidas pol so departamentu pa educar a persones en situación de vulnerabilidá sobro vezos saludables

El Centru de Formación pal Consumu de Tinéu lleva yá recibíes más de 2.000 visites dende la so apertura, hai 25 años, nun edificiu asitiáu na feria de la villa. D'elles, 75 fueron los beneficiarios y beneficiaries del programa xEITU, una iniciativa financiada pola Comisión Europea que'l so oxetivu ye favorecer la incorporación de persones altamente vulnerables al exerciciu de los sos derechos n'ámbitos como la salú, l'empléu, la educación y la vivienda.

La directora de Consumu en funciones, Begoña Collado Villa, visitó esta mañana esti centru de formación p'asistir a los talleres que promueve el so departamentu dientro d'esti programa sobro vezos de vida saludables, educación financiera, y sobro melecines, publicidá y productos milagru. “Queremos qu'estes persones dispongan de les ferramientes necesaries pa poder ameyorar la so calidá de vida”, esplicó la directora.

Mientres el percorríu, Collado Villa tuvo acompañada de l'alcaldesa de Tinéu, Montserrat Fernández Álvarez, la concejala de Servicios Sociales, Sanidá y Consumu, Karina Peláez Rodríguez, la responsable de la Oficina Municipal d'Información al Consumidor (OMIC) de Tinéu, Flor Fernández García, y de la xefa de la sección d'educación pal Consumu del Principáu, Charo Llameres.

El programa xEITU desenvuélvese en coordinación cola Conseyería de Derechos Sociales y Bienestar, Cruz Roja Asturiana, el Serviciu d'Empléu del Principáu (Sepepa), los conceyos de Xixón, Mieres y Tinéu; el Ministeriu d'Inclusión y la Rede Social Europea (ESN).