Al navegar por esta web acepta la utilización de cookies para análisis y personalización
Saber más    

Noticias Toda la actualidad de IU Asturias

Zapico reclama la derogación de la reforma llaboral como principal responsable de los accidentes llaborales

Ovidio Zapico, diputáu d'IX na Xunta Xeneral, demandó esta mañana al conseyeru d'Emplegu, Industria y Turismu, Isaac Pola, midíes pa controlar la siniestralidá llaboral, trabayando na prevención, el siguimientu constante, cola vixilancia in situ, la potenciación de la figura de delegaos territoriales y la non relaxación “porque atopamonos énte un gran enemigu al qu'ente toos tenemos que vencer”.

Ovidio Zapico alvirtió de que una causa o parte de la causa de que se produzan accidentes ta xunida a les reformes llaborales, principalmente la postrera realizada pol PP, llei qu'esixó derogar, al igual que la llei de mutues de 2014, que privatizó parte de la seguridá y la prevención en materia llaboral.

A xuiciu del diputáu d'IX l'epicentru d'esti alderique tien de xirar en redol a les reformes llaborales, fundamentalmente, la segunda del PP que precarizara’l trabayu “hasta parámetros insostenibles”. Zapico describió que la xente tien mieu a coyer la baxa, a cencielles, por una mera gripe y va trabayar con condiciones físiques amenorgaes, y depués tien que volver a casa y prodúcense accidentes in itinere. A esti panorama, el diputáu d'IX añedió qu'en munches ocasiones trabayar con una fuerte carga de estrés asociada a la presión pola reforma llaboral y mieu al despidu o la sanción.

“Ye cierto qu'hai repique actividá económica pero más emplegu nun tien de significar más accidentes, en nengún casu”, alvirtió'l diputáu d'IX, dempués de reconocer que los índices de siniestralidá baxaron n'Asturies anque se siguen produciendo accidentes, dalgunos bien graves, como'l que produció'l fallecimientu d'una trabayadora la selmana pasada.

Estes afirmaciones producíense na Comisión d'Emplegu, Industria y Turismu, na qu'IX pidió la comparecencia del Conseyeru pa conocer la evolución de la siniestralidá y dexar empobinar l'actividá del Institutu Asturianu de Prevención de Riesgos Llaborales.

Na comisión, ente otres entrugues, Zapico entrugó al Conseyeru sobro si tien dalguna estimación de cuántos accidentes puen tar derivándose per parte de les mutues a la sanidá pública como enfermedá común, esto ye, cuantos cambeos de continxencia prodúcense. El diputáu d'IX fíxose asina ecu de la denuncia de los sindicatos y pidió una vixilancia concreta pa esti asuntu.

Volver

Compartir

2014 Izquierda Xunida d'Asturies - Política de privacidad - Política de cookies